Sjötíu ár frá strandi togarans Dhoons frá Fleetwood undir Látrabjargi.

Í dag 12. desember 2017 eru 70 ár liðin frá því að togarinn Dhoon frá Fleetwood strandaði undir Látrabjargi í slæmu veðri. Bændur á Látrum og nágrenninu brugðust við og náðu að bjarga 12 mönnnum við nánast ólýsanlegar aðstæður en 3 höfðu áður farist úr áhöfninni.

Í tilefni þessara tímamóta fóru nokkrir félagar úr björgunarsveitinni Bræðrabandinu í gær 11. desember að minnismerkinu um atburðinn, sem er efst á Geldingsskorardal, og kveiktu á þremur friðarljósum.

Snjólétt var á svæðinu og færð góð. Sólin sigldi lágt yfir Snæfellsnesi og lýsti upp strandlengjuna norðan Breiðafjarðar og björtum glampa sló á hæstu fjallatinda norðan Arnarfjarðar. En nú 12. desember er dimmt yfir og aðstæður nær því sem var fyrir 70 árum.


Meira

Flug á Þorláksmessu og auka ferðir

Flogið verður á Bíldudal laugardaginn 23. Desember, Þorláksmessu, kl 12:00 frá Reykjavík og kl 13:00 frá Bíldudal. Ferðin er nú þegar orðin bókanleg. Einnig er verið að skoða hvort bætt verði við flugferðum ef fyllist í þær ferðir sem fyrir eru.  Nú þegar hefur nokkrum aukaferðum verið bætt við.


Meira

Bæjarstjórnarfundur

  1. fundur bæjarstjórnar verður haldinn í félagsheimilinu Baldurshaga, Tjarnarbraut 4, Bíldudal, fimmtudaginn 7. desember 2017 og hefst kl. 18:00.

Dagskrá:

Fundargerðir til kynningar

1.Bæjarstjórn – 315. fundur, haldinn 29. nóvember.

2.Fasteignir Vesturbyggðar ehf – 65. fundur, haldinn 30. nóvember.

Fundargerðir til staðfestingar

3.Bæjarráð – 823. fundur, haldinn 5. desember.

4.Velferðarráð – 15. fundur, haldinn 21. september.

5.Atvinnu- og menningarráð – 18. fundur, haldinn 1. desember.

Almenn erindi

6.Fjárhagsáætlun 2018 – seinni umræða.


Meira

Grenndarkynning hafnarsvæði Patreksfirði

Hér með boðar bæjarstjórn Vesturbyggðar til grenndarkynningar vegna óverulegrar breytingar á deiliskipulagi fyrir hafnarsvæði á Patreksfirði í samræmi við ákvæði 43. gr. skipulagslaga nr. 123/2010. 

Breyting

Breyting á deiliskipulagi sem unnið var af Landmótun sf árið 2013 og samþykkt í bæjarstjórn þann 25.febrúar 2013 er að tveir byggingarreitir falli niður og í stað þeirra kemur einn stærri með annarri mænisstefnu. Vegur skv. gildandi deiliskipulagi sem tengir saman hafnarsvæði og Eyrargötu fellur niður.

Hafnarstjórn bókaði á 156.fundi sínum þann 13.11.2017 að grenndarkynna tillögu að breytingu á deiliskipulagi hafnarsvæðis á Patreksfirði frá 2013. 

Frestur til að skila athugasemdum og ábendingum er 4 vikur, þ.e. til og með 29.desember 2017. Litið verður svo á að þeir sem ekki gera athugasemdir séu samþykkir fyrirhugaðri framkvæmd. Grenndarkynningin verður kynnt á opni húsi og verður það auglýst síðar.

Nánari upplýsingar eru veittar á skrifstofu Vesturbyggðar á opnunartíma skrifstofunnar. Fyrirspurnir má einnig senda á netfangið vesturbyggd@vesturbyggd.is.

Hægt er að nálgast teikningu af svæðinu hér.

Athugasemdum má skila á vesturbyggd@vesturbyggd.is eða í bréfpósti, þá merkt:

Vesturbyggð

Aðalstræti 63

450 Vesturbyggð

Athugasemdum skal skila inn fyrir föstudaginn 29.desember 2017.


Meira

Blóðsykursmæling

Lionsklúbbur Patreksfjarðar og   Heilbrigðisstofnun Vestfjarða á Patreksfirði  bjóða upp á mælingu blóðsykurs laugardaginn 2. desember 2017.

Mælingarnar fara fram á heilsugæslustöðinni á Patreksfirði að Stekkum 1 milli kl. 10:00 og 12:00

Þeir sem hafa áhuga á því að vita um stöðu blóðsykurs síns eru hvattir til að nota tækifærið  og mæta í mælingu.

Besta mælingin fæst með því að fasta (neyta engrar fæðu) frá kvöldinu áður.


Meira
Fréttasafn
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is