Stígamót ţjónusta íbúa Vesturbyggđar og Tálknafjarđarhrepps

Stígamót, Vesturbyggð og Tálknafjarðarhreppur hafa gert með sér samkomulag um þjónustu Stígamóta við íbúa byggðarlaganna. Samkomulagið er gert til reynslu í þrjá mánuði. Vestfirðingar greiða ferðakostnað, en Stígamót senda á sinn kostnað ráðgjafa á staðinn hálfs mánaðarlega. Sú heitir Þórunn Þórarinsdóttir og mun bjóða upp á ókeypis viðtalsþjónustu og ef þátttaka verður mikil, kemur vel til greina að starfrækja sjálfshjálparhóp líka. 

Sambærilega þjónustu höfum við starfrækt á Austfjörðum í sjö ár og alltaf hafa færri komist að en hafa viljað. Við höfum líka í skemmri tíma þjónustað fólk á Sauðárkróki, í Grundarfiðri, í Borgarnesi og á Akranessi, í Vestmannaeyjum og á Selfossi. En ef þjónustan á að nýtast verðum við að tryggja að fólk viti um hana. Það er líka mikilvægt að ná til þeirra lykilaðila sem eru í sambandi við íbúana og gæti vísað á þjónustu okkar. Við höfum því þá reglu þegar við förum á nýja staði að kynna starfið rækilega.

Í lok sept. stóð til að hefja þjónustuna, en vegna ófærðar tókst það ekki. Nú gerum við aðra tilraun og vonumst til þess að veðrið verði okkur hliðholt. Fulltrúum þeirra stofnana sem vinna með íbúum svæðisins er boðið til lokaðs fundar með fulltrúum Stígamóta í Félagsheimili Patreksfjarðar mánudaginn 1. des. kl. 15:00. Þar munu þær Guðrún Jónsdóttir og Þórunn Þórarinsdóttir kynna starfsemina og þá þjónustu sem í boði er. Að kvöldi þann 1. des. er almenningi boðið á opinn fund í Félagsheimili Patreksfjarðar (fundarsal) kl. 20:00. Það fólk sem vill nýta sér viðtalsþjónustuna mun hringja í Stígamót og panta tíma og fá þá að vita hvar þjónustan fer fram. Staðsetningin verður ekki gefin upp til annarra, til þess að tryggja trúnað. Í janúar verður þjónustan kynnt sérstaklega í Framhaldsdeild Fjölbrautaskóla Snæfellinga. 

Skrifađu athugasemd:



Til baka
Vesturbyggđ - Kt. 510694-2369 - Ađalstrćti 63 - 450 Patreksfirđi - Sími: 450 2300 - Fax: 456 1142 - Netfang: vesturbyggd@vesturbyggd.is