Flýtiframkvćmd á Vestfjarđavegi í Barđastrandarsýslu

Ályktun um samgöngumál frá bæjarráði Vesturbyggðar

"Bæjarráð Vesturbyggðar fagnar ákvörðun hæstvirts samgönguráðherra Kristjáns L. Möller að flýta vegagerð á Vestfjarðavegi milli Vatnsfjarðar og Vattarfjarðar og frá Bjarkalundi í Þorskafjörð að þeim stað þar sem þvera á veginn yfir fjörðinn. Bæjarráðið leggur áherslu á það að samgönguráðherrann láti hraða öllum nauðsynlegum undirbúningi að vegagerð við innanverðan Kjálkafjörð frá Þverá um botn fjarðarins að hrauninu innan við Litlanes. Líkur eru á því að meta þurfi umhverfisáhrif vegagerðar á því svæði og  skera þarf úr því sem fyrst. Bæjarráðið vekur athygli á því að ákvörðunin að flýta áðurgreindum framkvæmdum er tekin í tengslum við þriðjungs niðurskurð í þorskaflaheimildum og þess vegna er það mikilvægt að hlutur heimamanna verði sem mestur í framkvæmdunum."

Sumarlokun leikskóla Vesturbyggđ 2007

Grillveisla á Tjarnarbrekku
Grillveisla á Tjarnarbrekku
1 af 10
Nú er skemmtilegu sumarstarfi okkar hér í leikskólum Vesturbyggðar að ljúka og loka leikskólarnir Araklettur og Tjarnabrekka í fimm vikur eða frá 16. Júlí til 19. Ágúst 2007. Við höfum gert okkur margt til dægrastyttingar í þessu frábæra sól og sumarveðri, meðal annars sullað úti, haldið hjóladag, fengið fræðslu frá heilsugæslu Patreksfjarðar og grillað pylsur svo eitthvað sé nefnt. Sérstaklega ber þó að nefna garðana okkar á lóðinni þar sem við höfum verið að rækta kartöflur og grænmeti og viljum við biðja alla bæjabúa stóra og smáa að passa garðinn með okkur þegar þið notið leikskólavöllinn í sumar. Endilega skoðið grænmetið en látið okkur um að taka það upp í ágúst þegar við byrjum starfsemina aftur. Börnin verða mjög þakklát fyrir það. Gleðilegt sumar og sjáumst hress í ágúst!
Starfsfólk Arakletts og Tjarnarbrekku

Tilkynning til deildarstjóra og umsjónarmanna hjá Vesturbyggđ

Séđ inn Patreksfjörđ frá Gjögrum
Séđ inn Patreksfjörđ frá Gjögrum
Nú ættu allir deildarstjórar og umsjónarmenn hjá Vesturbyggð að vera búnir að fá sendan aðgang að nýjum vef Vesturbyggðar. 

Með þessum aðgangi eigið þið nú auðvelt með að koma fréttum inn á Vesturbyggðarvefinn. Þarna mega koma fréttir um t.d. metdag í aðsókn að íþróttamiðstöðvum, viðburðir hjá vinnuskólum, tilkynningar frá t.d. vatnsveitu um lokun fyrir vatn, frá afhendingu gjafa til stofnanna Vesturbyggðar, frá grillhátíðum í skólum og leikskólum, metdagur í lönduðum afla og í raun megið þið setja inn á vefinn allt sem snertir ykkar deild og ykkur þykir fréttnæmt.  Þeir deildarstjórar og umsjónamenn sem skrifa á vefinn bera að sjálfsögðu ábyrgð á skrifum sínum, þ.e. bera ritstjórnarlega ábyrgð á efninu sem þeir setja inn á vefinn.

Ef einhverjar spurningar vakna eða ykkur vantar hjálp við að koma frétt og/eða myndum á vefinn þá vinsamlega hafið samband við Bríeti í síma 450-2300.

Ný heimasíđa Vesturbyggđar.

Frá opnun nýju heimasíđu Vesturbyggđar.  Taliđ frá vinstri Ragnar Jörundsson, Úlfar B. Thoroddsen, Ţuríđur G. Ingimundardóttir og Arnheiđur Jónsdóttir
Frá opnun nýju heimasíđu Vesturbyggđar. Taliđ frá vinstri Ragnar Jörundsson, Úlfar B. Thoroddsen, Ţuríđur G. Ingimundardóttir og Arnheiđur Jónsdóttir
Vesturbyggð opnar nýja heimasíðu sína formlega á bæjarráðsfundi í dag þriðjudaginn 10. júlí.  
Heimasíðan hefur verið í smíðum sl. 4. vikur og er notast við Snerpill vefumsjónarkerfi frá Snerpu á Ísafirði.
Snerpill vefumsjónarkerfið er mjög aðgengilegt og voru starfsmenn Vesturbyggðar fljótir að ná tökum á kerfinu. 
Aðalhönnuður síðunnar er Ágúst Atlason, margmiðlunarhönnuður hjá Snerpu. 

Þegar er búið að setja töluvert af efni inn á heimasíðuna og verður unnið að því áfram.  Gagnasafn með fundargerðum mun svo stækka jafnt og þétt á næstu vikum.  Gott myndasafn er þegar komið inn á síðuna og má þar nefna myndir frá Sjómannadeginum, 17. júní og Bíldudals grænum.  Einnig er safn mynda frá Mats á síðunni.

Stefnan er að heimasíða Vesturbyggðar verði lifandi og upplýsingar um það sem er að gerast í sveitarfélaginu verði aðgengilegar.  Meðal þess sem er nýtt á þessari heimasíðu er t.d. gott atburðadagatal þar sem félagsamtök geta komið inn upplýsingum um atburði með góðum fyrirvara til ritstjóra, vefdagbækur þar sem bæjarstjóri og bæjarfulltrúar geta skrifa um það sem þeim liggur á hjarta hverju sinni

Fyrirtæki og ferðaþjónustuaðilar eiga líka sinn sess á heimasíðunni og hvetjum við þessa aðila til að senda upplýsingar um fyrirtæki sín til ritstjóra

Það er von starfsfólks bæjarskrifstofu að þessi nýja heimasíða gagnist íbúum Vesturbyggðar og öðrum sem hana skoða.

Heilt húsbílaţorp á flakki

1 af 2

Það hefur sjálfsagt ekki farið fram hjá neinum að á Patreksfjörð hefur streymt fjöldi húsbíla frá því á sunnudag, en þeir hafa slegið skjaldborg um Félagsheimili Patreksfjarðar, þar sem íbúar þessa óvenjulega þorps hafa aðstöðu. Félagsskapurinn kallast Flakkararnir og er áhugahópur húsbílaeigenda. Þorvaldur Traustason, sem fer fyrir ferðanefndinni, segir nú vera 64 bíla á staðnum og enn bætist við. "Þátttakan er langt fram úr björtustu vonum" segir hann og segir félagsskapinn hafa stækkað jafnt og þétt síðustu ár. "Félagið var stofnað 1987 á Akureyri og fagnaði 20 ára afmæli í janúar í Árgarði, Skagafirði, síðastliðinn janúar en þá mættu þangað 90 bílar." Hann segir fólk koma alls staðar að af landinu en langstærsti hópurinn sé þó frá Norðurlandi. "Við hófum ferðina frá Borðeyri s.l. föstudag, gistum á laugardag  í Bjarkarlundi og lögðum svo af stað hingað á sunnudag." Hann segir hópinn fara héðan á morgun þriðjudag að Dynjanda en líklega verði hluti hópsins á Þingeyri þar sem tjaldstæðið rúmi varla svo marga bíla. Þaðan verður haldið til Súðavíkur þar sem verður gist í tvær nætur og verður þar sameiginleg máltíð. Félagsskapurinn lýkur svo formlegu flakki sínu um Vestfirði á Reykjarnesi n.k. laugardag.

"Við fórum í rútuferð út i Selárdal í dag, um fimmtíu manns, og veðrið var alveg æðislegt. Í kvöld verðum við með bingó og hattaball því alltaf er gaman að gera sér eitthvað til skemmtunar" segir Þorvaldur og býður fréttaritara í þeim töluðu orðum í  heimsókn til Flakkaranna.

Fréttasafn
Vesturbyggđ - Kt. 510694-2369 - Ađalstrćti 63 - 450 Patreksfirđi - Sími: 450 2300 - Fax: 456 1142 - Netfang: vesturbyggd@vesturbyggd.is