Áheitasöfnun - Brellurnar hjóla Vestfjarðahringinn

Á sjómannadaginn munu Brellurnar leggja af stað til að hjóla Vestfjarðahringinn sem er um 640 km.

 

Brellurnar er vísun í fjallið fyrir ofan þorpið Patreksfjörð. Brellurnar skipa Björg Sæmundsdóttir, Elín Krístín Einarsdóttir, Halldóra Birna Jónsdóttir, María Ragnarsdóttir, Salóme Þorbjörg Guðmundsdóttir og Sædís Eiríksdóttir sem mun keyra bílinn og leysa af að hjóla.

 

Tilgangur ferðarinnar er að safna áheitum fyrir Fríðu Eyrúnu Sæmundsdóttur, Patreksfirði. Fríða er 37 ára og er nýorðin lögblind. Eins og gefur að skilja hefur það ýmsar breytingar í för með sér. Aðbúnaður og breytingar sem snúa að heimilinu og kaup á tölvu sem styður forrit eins og talgervil eru meðal annars hlutir sem munu bæta lífsgæði Fríðu til muna.

 

Verndarar söfnunarinnar eru Ásthildur Sturludóttir bæjarstjóri Vesturbyggðar og Halla Dís Hallfreðsdóttir hjúkrunarfræðingur við á St. Fransciskusspítala í Stykkishólmi og einn trúnaðarmanna Blindrafélagsins. Halla er lögblind , er með hrörnunarsjúkdóm í augnbotnum sem kallast RP (retinitispigmentosa).

 

Áheitunum verður safnað þannig að fólk verður beðið um að heita einhverri vissri upphæð á hvern km. Ef fólk vill má það líka láta einhverja vissa upphæð ganga til þessa verðuga málefnis og leggja hana inn á söfnunarreikninginn 153-05-23 kt:100674-3199. Gengið verður í hús á Patreksfirði, Tálknafirði, Barðaströnd og Bíldudal dagana 31. maí - 3. júní til
að safna áheitum.

 

Búið er að stofna Facebooksíðu, Brellurnar, endilega fylgist með þar. Brellurnar vona að það muni ekki taka meira en eina viku að hjóla þessa leið. Það getur þó tekið lengri tíma ef veður verður ekki gott eða ef eitthvað annað kemur upp á. Skipulag ferðarinnar er eftirfarandi:

 

Dagur 1: Lagt af stað frá Patreksfirði kl. 14.15 á Sjómannadaginn og hjólað í Flókalund ca. 61 km
Dagur 2: Hjólað í Fjarðarhorn 63.7 km
Dagur 3: Hjólað til Hólmavíkur 108 km
Dagur 4: Hjólað í Heydal 108 km
Dagur 5: Hjólað til Súðavíkur 115 km
Dagur 6: Hjólað í Mjólká 93.4 km
Dagur 7: Hjólað á Patreksfjörð 98.3 km

 

Ef allar komast alla leið eru þetta um 3.240 km.
0,5 kr á km = 1.620
5 kr á km= 16.200
1 kr á km = 3.240
6 kr á km= 19.440
1,5 kr á km= 4.860
7 kr á km= 22.680
2 kr á km= 6.480
8 kr á km= 25.920
2,5 kr á km= 8.100
9 kr á km= 29.160
3 kr á km= 9.720
10 kr á km = 32.400
3,5 kr á km= 11.340

 

Við treystum á ykkar stuðning!

 

Brellurnar

 

4 kr á km= 12.960

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is