Borgarafundur um endurskoðun stjórnarskrárinnar

Þjóð til þings, stjórnlagaþing 2011
Þjóð til þings, stjórnlagaþing 2011
Stjórnlaganefnd og Fjórðungssamband Vestfirðinga halda borgarafund um endurskoðun stjórnarskrárinnar mánudaginn 4. október frá klukkan 19:30 til 21.

 

Hægt verður að sækja fundinn gegnum fjarfundabúnað í Skor á Patreksfirði.

 

Fundurinn er kynningafundur um stjórnlagaþing og þjóðfund 2010 auk þess sem kallað er eftir sjónarmiðum íbúa.

Stjórnlaganefnd var kosin af Alþingi í sumar til þess að undirbúa endurskoðun stjórnarskrárinnar. Nefndinni er ætlað að finna og leggja fram gögn fyrir stjórnlagaþing, standa fyrir þjóðfundi um endurskoðun á stjórnarskrá, vinna úr upplýsingum frá fundinum og afhenda stjórnlagaþingi og loks að leggja fram hugmyndir að breytingum á stjórnarskránni.

 

Guðrún Pétursdóttir er formaður stjórnlaganefndar: ,,Við viljum kynna Vestfirðingum þau áform sem eru uppi um endurskoðun á stjórnarskrá lýðveldisins. Við sem stöndum að undirbúningum óskum einnig eftir því að fá að heyra sjónarmið fólks um hvernig samfélag það vill byggja. Við hvetjum Vestfirðinga til að koma á fundinn og láta rödd sína heyrast.

 

Nánari upplýsingar gefur: Berghildur Erla Bernharðsdóttir, upplýsingafulltrúi, GSM: 694-5149 berghildur@stjornlagathing.is.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is