Fjölmenn ráðstefna um fiskeldi á Patreksfirði

Aðstandendur og skipuleggjendur ráðstefnunnar „Fiskeldi í köldum strandsjó Íslands“ eru hæstánægðir með mætingu og viðtökur ráðstefnugesta. Fjölmargir lögðu leið sína á Patreksfjörð og fylltu allt gistirými í bænum og á Tálknafirði. Alls komu 170 gestir frá fiskeldisfyrirtækjum, stjórnsýslu, rannsóknastofnunum og frá ýmsum þjónustugreinum og 120 gestir mættu til hátíðarkvöldverðar á fimmtudagskvöldið.

Samhliða ráðstefnunni haldin vörusýning frá fyrirtækjum á Íslandi, Noregi og Færeyjum í fremri sal félagsheimilisins. Með tilkomu Fosshótels á Patreksfirði er mögulegt að halda slíka viðburði í bænum. Félagsheimili Patreksfjarða hentar einstaklega vel til ráðstefnuhalds og fremri salurinn rúmar vel sérhæfða vörusýningu. Vegna þess hversu góðar viðtökur ráðstefnan fékk hefur Atvinnuþróunarfélag Vestfjarða og Fiskeldisklasi Vestfjarða í hyggju að endurtaka slíka viðburð með reglulegum hætti á komandi árum.

Á vef Atvinnuþróunarfélags Vestfjarða má nálgast öll erindi ráðstefnunnar. 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is