Fjórðungssamband Vestfirðinga fagnar 60 ára afmæli

Frá þingi Fjórðungssambands Vestfjarða 2009
Frá þingi Fjórðungssambands Vestfjarða 2009
Fjórðungssambands Vestfirðinga fagnaði 60 ára afmæli með þingi á Ísafirði í síðustu viku.

Þingið sóttu um 40 fulltrúar frá öllum sveitarfélögum á Vestfjörðum. Störf þingings gengu mjög vel og samþykkt var ályktun sem ber nafnið Vestfirðir í sókn (Word 364 KB).

 

Kristján L. Möller, ráðherra samgöngu- og sveitarstjórnarmála, flutti ávarp á þinginu og ræddi meðal annars sameiningar sveitarfélaga á Vestfjörðum.

 

Samgönguráðherra setti í ávarpi sínu fram hugmynd um að sveitarfélögin á Vestfjörðum, sem nú eru 10, myndu sameinast í áföngum og verða til dæmis tvö til þrjú. Hann sagðist sjá fyrir sér að við sveitarstjórnarkosningar árið 2014 verði komin á sveitarfélagaskipan sem væri í samræmi við væntingar um eflingu sveitarstjórnarstigsins sem ríkisstjórnin hefur meðal annars á stefnuskrá sinni.

 

Halldór Halldórsson, formaður Sambands íslenskra sveitarfélaga, vék einnig að sameiningu sveitarfélaga og varpaði því meðal annars fram að starfssvæði landshlutasamtaka sveitarfélaga gætu hugsanlega orðið dæmi um stækkun sveitarfélaga.

Í umræðum í kjölfar ávarpa þeirra komu meðal annars fram ábendingar um að ýmsar samgöngubætur væru forsenda sameiningar og að við eflingu sveitarfélaga og flutning verkefna til þeirra frá ríkinu væri brýnt að nauðsynlegir tekjustofnar fylgdu.

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is