Flýting samgönguframkvæmda á Vestfjörðum

Hér er birt ályktun stjórnar Fjórðungssambands Vestfirðinga þann 30. maí 2012 vegna ákvörðunar ríkisstjórnar um flýtingu Dýrafjarðarganga í samgönguáætlun 2011-2022.

Stjórn Fjórðungssambands Vestfirðinga, styður áform um flýtingu á gerð Dýrafjarðarganga samkvæmt fjárfestingaráætlun ríkisstjórnar sem kynnt var þann 18. maí s.l.. Ákvörðun ríkisstjórnar fellur að stefnumörkun og ályktunum sveitarfélaga á síðustu árum og nú síðast undirskriftarsöfnun íbúa á Vestfjörðum.

Stjórn Fjórðungssambands Vestfirðinga áréttar þann skilning, að þessi áform komi til viðbótar þeim verkefnum sem eru nú til umfjöllunar á Alþingi í tillögu til þingsályktunar um samgönguáætlun 2011-2022. Vísar stjórn til umsagnar Fjórðungssambands Vestfirðinga til Alþingis um samgönguáætlun 2011-2022 í þessum efnum, sem varðar m.a. fullnaðarfjármögnun framkvæmda við Vestfjarðaveg 60 í Gufudalssveit.

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is