Framkvæmdum á Vestfjarðavegi 60 miðar lítt

Alþingi
Alþingi
Fjármagnið sem endanlega fer í vegabætur á Vestfjarðavegi 60 nær því ekki að vera helmingur af því fjármagni sem áætlað var að færi í veginn á samgönguáætlun 2007 til 2010.

 

Í svari samgöngu- og sveitarstjórnarráðherra við fyrirspurn Eyrúnar Ingibjargar Sigþórsdóttur á alþingi um framkvæmdir á Vestfjarðavegi 60 kemur fram að á samgönguáætlun 2007 til 2010 voru 4.230 milljónir áætlaðar til framkvæmda við veginn.

 

Á tímabilinu 2007-2009 hafa sjö verk verið boðin út á Vestfjarðavegi. Sex þeirra er lokið og eitt er í vinnslu. Alls var varið til þessara sex verka 1.328 millj. kr. og áætlað er að verk það sem er í vinnslu, þ.e. Kjálkafjörður - Vatnsfjörður, kosti 734 millj. kr. en því verki á að ljúka haustið 2010. Samtals má því ætla að um 2.062 millj. kr. verði varið til framkvæmda við Vestfjarðaveg árin 2007-2010.

 

Stærstu verkin sem áætlað var að hefja vinnu við en útlit er fyrir að frestist fram yfir 2010 eru kaflinn frá Gröf að Skálanesi og Dýrafjarðargöng.

 

Þá er ekki ljóst hvenær unnt verður að bjóða út kaflann milli Kjálkafjarðar og Vattarfjarðar en þar er nú beðið úrskurðar umhverfisráðherra um matskyldu.

 

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is