Fyrirhugað réttindanámskeið á smáskip

Ef næg þátttaka fæst er fyrirhugað að halda réttindanámskeiðið smáskipanám á Patreksfirði í desember og janúar.

Fyrirhugað er að byrja mánudaginn 5. desember 2011 og lýkur námskeiðinu í janúar 2012.

Kennslutími verður utan hefðbundins vinnutíma.

Kennari: Magnús Jónsson.
Verð kr: 117.000 - (Athugið endurgreiðslu úr stafsmenntasjóðum)

Staður: Þekkingarsetrið Skor
Fjöldi kennslustunda: 105


Sá sem lokið hefur námi þessu, sem er samkvæmt reglugerð nr. 175 frá 2008 um skipstjórnar- og vélstjórnarréttindi á fiskiskipum, varðskipum og öðrum skipum hefur öðlast rétt til að fá útgefið skírteini sem skipstjóri/stýrimaður á skipum styttri en 12 metrar að skráningarlengd í strandsiglingum, eftir 12 mánaða siglingatíma (smáskipaskírteini).

 

Á námskeiðinu verða kennd bókleg atriði sem krafist er samkvæmt reglugerð: Siglingafræði og samlíkir, siglingareglur og vélfræði, siglinga- og fiskileitartæki, sjóhæfni, veðurfræði og öryggismál. Þeir sem ljúka smáskipaprófi geta tekið verklegt próf og öðlast þar með einnig skemmtibátaréttindi á 24 metra skemmtibáta. Námið er kennt með faglegri ábyrgð Skipstjórnarskóla Tækniskólans.

 

Þátttakendur þurfa að útvega sér samsíðung, hringfara (sirkill) og reglustiku, almenn ritföng og glósubók. Önnur námsgögn eru innifalin í verðinu.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is