Göngum í skólann

Göngum í skólann
Göngum í skólann
Miðvikudaginn 7. september kl. 10.00 verður Göngum í skólann sett í Síðuskóla á Akureyri.

 

Í ár tekur Ísland þátt í fimmta skipti í alþjóðlega verkefninu Göngum í skólann. Verkefnið hófst í Bretlandi árið 2000 og hefur þátttaka stöðugt farið vaxandi. Hér á landi stefnir í metþátttöku. Á alþjóðavísu er Göngum í skólann mánuðurinn í október og Alþjóðlegi Göngum í skólann dagurinn er 6. október. Göngum í skólann verkefnið fer fram hér á Íslandi í septembermánuði og því lýkur á Alþjóðlega Göngum í skólann deginum þann 5. október.

 

Meginmarkmið Göngum í skólann eru að hvetja nemendur og foreldra á Íslandi til að ganga, hjóla eða fara á annan virkan hátt til og frá skóla.

 

Um leið er ætlunin að:

  • Hvetja til aukinnar hreyfingar með því að auka færni barna til að ganga á öruggan hátt í skólann og fræða þau um ávinning reglulegrar hreyfingar.
  • Kenna reglur um öryggi á göngu og á hjóli.
  • Draga úr umferð við skóla: Draga úr umferðarþunga, mengun og hraðakstri nálægt skólum.
  • Betra og hreinna loft ásamt öruggari og friðsælli götum og hverfi.
  • Stuðla að vitundarvakningu um ferðamáta og umhverfismál: Hversu ,,gönguvænt" umhverfið er og hvar úrbóta er þörf.
  • Samfélagsvitund eykst.
  • Hvetja til heilbrigðs lífsstíls fyrir alla fjölskylduna: Hreyfing vinnur gegn hjartasjúkdómum, offitu og sykursýki II og stuðlar að streitulosun, betri sjálfsmynd, o.fl.

Þeir sem að verkefninu standa hérlendis eru Íþrótta- og Ólympíusamband Íslands, mennta- og menningarmálaráðuneytið, Landlæknisembættið, Ríkislögreglustjóri, Slysavarnafélagið Landsbjörg, Umferðastofa og Landssamtökin Heimili og skóli.

 

Nánari upplýsingar um verkefnið gefur Örvar Ólafsson, verkefnastjóri hjá Íþrótta- og Ólympíusambandi Íslands, með tölvupósti orvar@isi.is eða í s. 514-4000.

 

Heimasíða verkefnisins er www.gongumiskolann.is.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is