Lúðrasveitin lék á sunnudaginn

Lúðrasveit Tónlistarskóla Seltjarnarness í Skjaldborgarbíói
Lúðrasveit Tónlistarskóla Seltjarnarness í Skjaldborgarbíói
Það var gríðarlega mögnuð sveit tónlistarfólks frá Lúðrasveit Tónlistarskóla Seltjarnarness sem flutti íbúum suðursvæðis Vestfjarða tónlist í Skjaldborgarbíói á sunnudaginn var.

 

Stjórnandinn, Kári Húnfjörð, kynnti þetta frábæra listafólk og sagði jafnframt að þau vissu eftir sína dvöl hér hvar Patreksfjörður væri, þau ættu örugglega eftir að koma aftur í heimsókn.

 

Í ræðu Elzbietu Kowalczyk skólastjóra Tónlistarskóla Vesturbyggðar kom fram að með svona heimsókn eins og þessari væri það einlægur ásetningur að efla enn frekara skólavinasamband sem er vissulega áfangi að frekari eflingu tónlistarlífs hér á suðursvæði Vestfjarða.

 

Það er staðreynd að tónlistin og söngurinn eflir sálina

 

Heimsókn af þessu tagi kostar mikla undirbúningsvinnu heimamanna. Tónlistarskóli Vesturbyggðar vill koma á framfæri þökkum til allra sem komu að undirbúningi heimsóknarinnar með einum eða öðrum hætti. Þó vildi Elzbieta sérstaklega þakka Sparisjóðnum á Patreksfirði, verslununum Albínu, Fjölval og Grillskálanum, Kristni Þór Egilssyni, Hauki Má Sigurðarsyni, Magnúsi Ólafs Hanssyni, að ógleymdum Lionsklúbbi Patreksfjarðar fyrir þeirra þátt.

 

Í lok tónleikanna þakkaði bæjarstjóri Vesturbyggðar Ragnar Jörundsson gestum fyrir komuna. Hann sagðist reyndar orðlaus eftir slíkan listviðburð. Hann taldi að svona heimsókn mundi örugglega efla tónlistarslífið á svæðinu.

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is