Mjallhvít og dvergarnir sjö

Mjallhvít og dvergarnir sjö
Mjallhvít og dvergarnir sjö
Leikhópurinn Lotta sýnir glænýtt íslenskt leikrit um Mjallhvíti og dvergana sjö á Patreksfirði og Tálknafirði.

 

Alls leika fimm leikarar í sýningunni auk tónlistarmanns sem er inni á sviðinu allan tímann. Þessir fimm leikarar skipta á milli sín öllum 12 hlutverkunum og stundum þurfa meðal annars að vera 7 dvergar inni á sviðinu í einu. Sjón er sögu ríkari.

 

Herlegheitunum er síðan leikstýrt af dúettinum Oddi Bjarna Þorkelssyni og Margréti Sverrisdóttur, en þau eru einmitt nýir umsjónarmenn Stundarinnar okkar.

 

Miðaverð á sýninguna er 1.500 krónur og ekki þarf að panta miða fyrirfram heldur er alveg nóg að mæta bara á staðinn. Sýningin er um klukkustund að lengd, gott er að klæða sig eftir veðri þar sem sýnt er utandyra og um að gera að taka með sér teppi til að sitja á. Þá mælir Lotta með því að foreldrar taki myndavélina með þar sem áhorfendur fá að hitta persónurnar úr leikritinu eftir sýningu.

 

Nánari upplýsingar um sýninguna má finna á www.leikhopurinnlotta.is og í síma 770-0403.

 

Ný tónlist hefur einnig verið samin fyrir verkið en auk Önnu koma þar að verki Rósa Ásgeirsdóttir, Oddur Bjarni Þorkelsson og Baldur, Helga og Snæbjörn Ragnarsbörn.

 

Leikgerðina um Mjallhvíti og dvergana sjö gerði Anna Bergljót Thorarensen.

 

Sýningar

  • 12. júní, sunnudagur, kl. 13, Patreksfjörður, á túninu við Albínu
  • 12. júní, sunnudagur, kl. 17, Tálknafjörður, á túninu við Grunnskólann

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is