Nemendur í Birkimelsskóla leysa börn úr skuldaánauð

Jónas Þ. Þórisson og Þórunn Jónatansdóttir
Jónas Þ. Þórisson og Þórunn Jónatansdóttir
Nemendur í Birkimelsskóla á Barðaströnd hafa leyst tólf börn á Indlandi úr skuldaánauð.

 

Nemendur í Birkimelsskóla í Vesturbyggð hafa á aðventunni búið til jólakort og selt til ágóða fyrir verkefni Hjálparstarfs kirkjunnar þar sem þrælabörn á Indlandi eru leyst úr skuldaánauð. Átta nemendur bjuggu til falleg og frumleg jólakort og seldu fyrir 60.000 krónur.

 

Þórunn Jónatansdóttir kennari afhenti Jónasi Þ. Þórissyni framkvæmdastjóra Hjálparstarfsins kirkjunnar gjöfina. Jónas þakkaði innilega fyrir og bað fyrir bestu kveðjum til barnanna sem stóðu sig svona frábærlega vel.

 

Þessi upphæð dugar til að leysa tólf börn úr skuldaánauð, geri aðrir betur, saqði Jónas.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is