Strengur og Quadrant í Skjaldborg

Strengur á listahátíð 2011
Strengur á listahátíð 2011
Lagaflokkurinn Strengur og mynd/tónverkið Quadrant eftir Jón Sigurpálsson verða flutt á tónleikum í Skjaldborg miðvikudaginn 21. september kl. 21.

QUADRANT, eða Hringfjórðungur, er mynd- og tónverk, samið fyrir slagverksleikara, 5 blindramma og málarabretti. Það var frumflutt í Amsterdam 1983 og síðan í Tókíó nokkrum árum síðar en hefur aldrei verið flutt á Íslandi. Höfundurinn er Jón Sigurpálsson myndlistarmaður og safnvörður á Ísafirði en hann hefur fengist við tónlist síðan á unglingsárum. Matthías MD Hemstock flytur verkið.

 

Lagaflokkurinn Strengur, fyrir kontrabassa, slagverk, vatnshljóð og vídeó var frumfluttur á Listahátíð í Reykjavík í maí s.l. og hlaut frábærar viðtökur. Tómas R. Einarsson samdi tónlistina og spilar á kontrabassa, Matthías MD Hemstock sér um slagverk og þriðji meðlimurinn í bandinu eru svo ár, lækir, stöðuvatn og haf af ættarslóðum Tómasar, meðal annars við Steingrímsfjörð. Vatnshljóðin leika undir og spila með þeim félögum. Strengur kom út á geisladiski og DVD s.l. vor og hefur fengið afar góða dóma.


Aðgangseyrir er kr. 1500,- Vestfirsk menning styrkir verkefnið.

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is