Styrkir til úrbóta á ferðamannastöðum 2011

Ferðamálastofa auglýsir eftir umsóknum um styrki til úrbóta í umhverfismálum fyrir árið 2011.

 

Sérstök áhersla verður lögð á öryggismál á ferðamannastöðum, verkefni þar sem heildrænt skipulag og langtímamarkmið eru höfð að leiðarljósi og aðgengi fyrir alla.

 

Umsóknarfrestur er til og með 20. desember 2010.

 

Tvær tegundir styrkja
Sem fyrr verða veittar tvær tegundir styrkja. Annars vegar styrkir til smærri verkefna til úrbóta í umhverfismálum. Hámarksupphæð hvers styrks verður 500 þúsund krónur og er hann ætlaður fyrir efniskostnaði, áætlanagerð og/eða hönnun.

 

Hins vegar verða veittir styrkir til úrbóta í umhverfismálum á ferðamannastöðum og uppbyggingar á nýjum svæðum fyrir ferðamenn. Styrkupphæð getur að hámarki orðið 50% af kostnaðaráætlun, þó aldrei hærri en 10 milljónir.

 

Nánari leiðbeiningar og umsóknareyðublöð má finna á vef Ferðamálastofu www.ferdamalastofa.is.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is