Undirskriftarlistar verða afhentir

Undirskriftarlistar þar sem íbúar hvetja alþingismenn til að samþykkja frumvarp til laga um uppbyggingu Vestfjarðarvegar nr. 60 verða afhentir þingmönnum Norðvesturkjördæmis í Sjóræningjahúsinu á Patreksfirði, föstudaginn 25. mars kl. 15.

 

Íbúar af suðursvæði Vestfjarða er hvattir til að mæta í Sjóræningjahúsið og sýna samstöðu með yfirlýsingunni.

 

Á listunum var yfirskriftin
Við undirrituð íbúar Vestfjarða hvetjum alla alþingismenn NV-kjördæmis að samþykkja framkomið frumvarp til laga um uppbyggingu Vestfjarðavegar nr. 60. Með því að leggja umræddan veg samkvæmt svokallaðri B-leið verði hagsmunir okkar best tryggðir.

 

Það er mat okkar íbúa, að af þeirri framkvæmd verði ekki, nema um hana verði sett sérstök löggjöf sem ýti til hliðar óverulegum einkahagsmunum sem hafa stöðvað framkvæmdir til þessa, en tryggi hinsvegar hagsmuni heils landshluta. Byggð á Vestfjörðum þolir ekki frekari seinkun á samgöngubótum. Stuðningur við umrætt frumvarp er mikilvæg yfirlýsing um vilja alþingismanna til að vinna fyrir okkur, íbúa Vestfjarða og kjósendur í NV-kjördæmi.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is