Laust starf innheimtu- og þjónustufulltrúa

Vesturbyggð leitar að nýjum starfsmanni i starf innheimtu- og þjónustufulltrúa. Innheimtufulltrúi sér um reikningagerð og innheimtu þeirra, innheimtu fasteignagjalda, afstemmingu viðskiptamannareikninga ásamt öðrum tilfallandi verkefnum sem heyra undir innheimtufulltrúa. Verkefni þjónustufulltrúa felast í skjalavörslu og gerð reikninga fyrir tæknideild auk bréfaskrifta og tilkynningar um afgreiðslu mála hjá skipulags- og umhverfisráði. Starfið er fjölbreytt og felur í sér mikil samskipti og samvinnu við starfsmenn í öðrum deildum, innheimtuaðila, þjónustuaðila hugbúnaðarkerfa og viðskiptamenn.

Menntunar- og hæfnikröfur:

  • Stúdentspróf eða sambærilegt nám skilyrði.
  • Önnur menntun sem nýtist í starfi æskileg.
  • Reynsla af innheimtustörfum er æskileg.
  • Góð tölvukunnátta og færni í Excel er skilyrði.
  • Reynsla af fjárhagskerfi Navision er æskileg.
  • Góð samskiptahæfni, jákvætt viðhorf og lausnamiðuð hugsun er skilyrði.
  • Skipulagshæfni, nákvæmni og sjálfstæði í vinnubrögðum er skilyrði.
  • Tölugleggni og vandvirkni í vinnubrögðum er nauðsynleg.
  • Metnaður og sjálfstæði í starfi.

Umsóknarfrestur er til og með 25. nóvember 2017.

Umsóknir ásamt starfsferilsskrá og kynningarbréfi sem greinir frá reynslu, menntun og fyrri störfum ásamt rökstuðningi fyrir hæfni í starfið skulu berast á netfangið starf@vesturbyggd.is.

Nánari upplýsingar um starfið veitir Þórir Sveinsson skrifstofustjóri og Ásthildur Sturludóttir bæjarstjóri, s. 450-2300.

Um framtíðarstarf er að ræða.

Öllum umsóknum verður svarað.

Laun eru samkvæmt kjarasamningi Sambands ísl. sveitarfélaga og viðkomandi stéttarfélags.

Við hvetjum fólk af báðum kynjum til að sækja um starfið.

 

Skrifaðu athugasemd:



Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is