Bæjarráð #860

Lagður fram til staðfestingar samningur dags. 19. desember sl. við Tröppu ehf. um sérfræðiþjónustu við starfsfólk leik- og grunnskólabaran í Vesturbyggð. Bæjarráð staðfestir samninginn.

Rætt um framkvæmdir og sérgreind verkefni við Patreksskóla á árinu 2019. Gústaf Gústafsson skólastjóri sat fundinn undir þessum líð. Gústaf vakti athygli á því að þeir fjármunir sem ætlaðir eru til sérgreindra verkefna fyrir Patreksskóla eru vanáætlaðir. Bæjarráð felur starfandi skrifstofustjóra að vinna að málinu.

Farið yfir stöðu framkvæmda við lagningu ljósleiðar á Barðaströnd. Bæjarráð harmar þær tafir sem hafa orðið á verkinu og leggur mikla áherslu á að hafist verði handa um leið og færi gefst.

Iða Marsibil Jónsdóttir vék af fundi á meðan dagskrárliðurinn var tekinn fyrir.
Bæjarráð Vesturbyggðar gerir athugasemdir við drög frumvarpa til laga um gjald vegna nýtingar eldissvæða og drög að frumvarpi til laga um breytingar á ýmsum lagaáækvæðum sem tengjast fiskeldi sem nú eru til umsagnar.

Vesturbyggð leggur áherslu á að vel séu ígrundaðar hverjar þær breytingar sem gerðar eru á rekstrarumhverfi þeirra fyrirtækja sem eru í fiskeldi og hófs sé gætt í þeim skilyrðum og gjaldtöku sem lagðar eru á þau fyrirtæki sem eru í auðlindanýtingu. Atvinnustarfsemi innan Vesturbyggðar er að mestu auðlindanýting sem tryggir vissulega samkeppnisforskot en getur einnig skapað einsleitni í atvinnulífi og geta því litlar breytingar haft veruleg neikvæð áhrif á þá miklu og góðu uppbyggingu sem þegar hefur orðið í sveitarfélaginu. Bæjarráð leggur því ríka áherslu á það að þær kröfur og gjaldtaka á þá rekstraraðila sem stunda lax- og regnbogasilungseldi verði ekki það íþyngjandi að það muni hafa neikvæð áhrif á rekstrargrundvöll fyrirtækjanna og dragi þannig úr samkeppnisstöðu þeirra.

Bæjarráð Vesturbyggðar leggur einnig áherslu á að í samræmi við álit nefndar um stefnu í auðlindamálum frá 12. september 2012 sem og tillögum í skýrslu starfshóps sjávarútvegs- og landbúnaðarráðherra um stefnumótun í fiskeldi frá 21. ágúst 2017, að stærstum hluta gjaldsins verði ráðstafað til þeirra landsvæða sem hafa aðkomu að fiskeldi í sjókvíum, eða 85% af innheimtu gjaldi. Tekjustofnar sveitarfélaga eru takmarkaðir og því mikilvægt að gjöld sem þessi renni til sveitarfélaganna þar sem nýting auðlindarinnar og starfsemi rekstraraðila fer fram og þörfin til uppbyggingar samfélagslegar þjónustu er einna mest.

Bæjarráð felur bæjarstjóra að skila athugasemdum um frumvörpin tvö til atvinnuvega- og nýsköpunarráðuneytisins.

Ályktun Bæjarráðs Vesturbyggðar er varðar veglagningu um Gufudalssveit.
Bæjarráð Vesturbyggðar ítrekar enn og aftur nauðsyn þess að sveitarstjórn Reykhólahrepps taki ákvörðun um vegstæði Vestfjarðavegar 60 strax. Bæjarráðið minnir aftur á þá miklu samstöðu sem verið hefur um allan fjórðunginn um að velja Þ-H leið og er því viðsnúningur sveitarstjórnar Reykhólahrepps mikið reiðarslag. Leiðarvalið skiptir íbúa og fyrirtæki miklu máli í ljósi þess að mjög óljós tímarammi myndist verði leið R fyrir valinu og mun það hafa áframhaldandi áhrif á samkeppnisstöðu svæðisins. Íbúar hafa bundið vonir við að framkvæmdir við Þ-H leið hæfust á árinu 2019 en ljóst er að mikil óvissa ríkir um það.

Hafa ber í huga að sveitarfélagið unir ekki óbreyttu ástandi vega og mun beita sér af öllum mætti fyrir vegabótum á núverandi vegi um Ódrjúgs- og Hjallaháls verði R- leiðin fyrir valinu. Bæjarráð vekur athygli á að eðlilegt er að sá kostnaður sem uppbygging á núverandi vegstæði um hálsana hefur í för með sér sé reiknaður með í kostnaðarmati fyrir R-leiðina.

Lagt fram bréf dags. 8. janúar 2019 með umsókn Vesturbyggðar um lántökur á árinu 2019 hjá Lánasjóði sveitarfélaga að upphæð 170 millj.kr. Lántaka er í samræmi við fjárhagsáætlun ársins 2019 til að fjármagna framkvæmdir og fjárfestingar á árinu. Bæjarráð samþykkir lántökuna.

Lagt fram samkomulag dags. 17. des sl. þar sem Vesturbyggð og Gámaþjónusta Vestfjarða gera með sér samkomulag um áframhaldandi þjónustu til 31. ágúst 2020 á meðan unnið verður að útboði á sorphirðu í Vesturbyggð. Bæjarráð staðfestir samkomulagið.

Lagður fram tölvupóstur dags. 28. nóv sl. frá Veraldavinum þar sem óskað er eftir samstarfi við Vesturbyggð vegna sjálfboðaliða á árinu 2019. Bæjarráð vísar erindinu til Skipulags- og umhverfisráðs.

Lagður fram tölvupóstur frá Ólafi Jóhanni Engilbertssyni þar sem óskað er eftir samstarfi við Vesturbyggð vegna sjálfboðaliða frá SEEDS sem munu vinna að við haldi bygginga Listasafns Samúels Jónssonar í Selárdal sumarið 2019. Bæjarráð tekur jákvætt í erindið og vísar málinu til menninga- og ferðamálaráðs.

Lagður fram tölvupóstur dags. 27.nóv sl. frá Úlfari B. Thoroddssen þar sem vakin er athygli bæjarfulltrúa á úrgangi sem safnað er saman á Bíldudal í meintu óleyfi. Bæjarráð tekur undir með bréfritara að ekki sé safnað í tilefnislausar brennur í óleyfi. Bæjarstjóra falið að svara bréfritara.

Lagður fram tölvupóstur frá sambandi íslenskra sveitarfélaga frá 4. desember sl. þar sem óskað er eftir endurnýjuðu umboði Sambandsins vegna komandi kjaraviðræðna. Bæjarráð samþykkir að Samband íslenskra sveitarfélaga fari með umboð sveitarfélagsins og felur bæjarstjóra að ganga frá því.

Lagt fram erindi frá Ingólfi Magnúsi Ingvassyni þar sem Ingólfur fer þess á leit við Vesturbyggð að farið verði í viðhaldsframkvæmdir á húsnæði við Stekka 13 á Patreksfirði. Ingólfur er eigandi neðri hæðar hússins og er Vesturbyggð eigandi efri hæðar. Bæjarráð felur forstöðumanni tæknideildar að fá til þess bæran aðila til að skoða eignina og leggja mat á mögulegar viðhaldsframkvæmdir.

Ásgeir Sveinsson vék af fundi á meðan dagskrárliðurinn var tekinn fyrir.
Lagt fram erindi frá Gísla Gunnari Marteinssyni þar sem athygli sveitarfélagsins er vakin á því að vegagerðin hætti þjónustu við Siglunesveg 611 frá og með áramótum 2018/2019. Gísli bendir á að við veginn eru 5 lögbýli og 4 þeirra eru nytjuð tún af bændum sem nýta afraksturinn innar á Barðaströnd ásamt skógrækt. Einnig eru við veginn skemma sem nýtt er af bændum ásamt 4 sumarbústöðum og einu lögheimili. Bæjarráð mótmælir niðurfellingu héraðsvegar og bæjartjóra falið að svara bréfritara og senda skrifleg mótmæli til Vegagerðarinnar í samræmi við umræður á fundinum.

Lagt fram til staðfestingar snjómokstursplan í þéttbýli 2018-2019. Bæjarráð staðfestir snjómokstursplanið með þeim breytingum sem ræddar voru á fundinum.

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar

Lagt fram til kynningar