Fræðslu og æskulýðsráð #24

Hallveig Ingimarsdóttir aðstoðarleikskólastjóri fór yfir sérkennsluskýrslu leikskóla Vesturbyggðar fyrir starfsárið 2015-2016. Búið er að ráða sérkennslustjóra í fullt starf sem mun taka til starfa í haust.

Frestað til næsta fundar

Fundargerð fyrsta fundar mötuneytisnefndar lögð fram til kynningar.

Liðnum frestað til næsta fundar

Hallveig Ingimarsdóttir aðstoðarleikskólastjóri fór yfir árskýrslu leikskólans fyrir starfsárið 2015-2016. Í skýrslunni kom fram mikið og gott starf sem fer fram í leikskólum Vesturbyggðar en mikil mannekla hefur verið í vetur og starfsfólk því oft unnið undir miklu álagi. Mikil þörf er á að fá inn fagmenntað starfsfólk í skólana. Nefndin tekur undir sjónarmið Hallveigar og leggur áherslu á það að haldið verði áfram að auglýsa eftir fagmenntuðu fólki.

Einar Bragi Bragason fór yfir skýrslu skólans frá því að hann tók við skólanum í febrúar. Starfið hefur gengið vel og nemendur duglegir og áhugasamir. Mikilvægt er að fá fleiri kennara til starfa sem fyrst til að bregðast við mikilli fjölgun nemenda. Auka þarf fjárveitingar til kaupa á búnaði og nótum.

Elfar Steinn Karlsson kom á fundinn og fór yfir fyrirhugaðar framkvæmdir í sveitarfélaginu við leikvelli. Ærslabelgur verður settur upp á Bíldudal í sumar og búið er að kaupa leiktæki sem verða sett við ærslabelginn á Patreksfirði. Gert verður við ærslabelg á Patreksfirði við fyrsta tækifæri. Fræðslu og æskulýðsráð biður Elvar Stein að kanna frágang við sparkvöll/leiksvæði við vesturhlið grunnskólans á Patreksfirði þar sem mikið rask varð við gerð varnagarðs og kanna hvort ofanflóðasjóður mun koma að þeim frágangi.