Fyrirspurn, Iðngarðar hafnarsvæði.

Erindi frá Ginga teiknistofu f.h. Jóns Árnasonar Aðalstræti 83, Patreksfirði. Í erindinu er óskað eftir að fá að sameina tvær lóðir á Vatneyri og byggja þar Iðngarða. Erindinu fylgir snið og afstöðumynd, unnin af Ginga teiknistofu dags. 20.05.2016.

Skipulags- og umhverfisráð hafnar erindinu. Ráðinu þykir nýting svæðisins ónæg með þessu fyrirkomulagi og bendir á deiliskipulag hafnarsvæðis varðandi nýtingu svæðisins.

Tekið fyrir öðru sinni erindi frá Ginga teiknistofu f.h. Jóns Árnasonar. Skipulags- og umhverfisráð hafnaði erindinu á 22.fundi sínum þann 23.05.2016 á grundvelli þess að nýting svæðisins væri ónæg.

Nú hefur umsækjandi skilað inn nýrri tillögu með aukinni nýtingu á svæðinu, sótt er um að sameina tvær lóðir á Vatneyri og byggja þar svokallaða Iðngarða. Erindinu fylgir snið og afstöðumynd, unnin af Ginga teiknistofu dags. 8.mars 2017.

Skipulags- og umhverfisráð tekur jákvætt í erindið en bendir á að nýtingarhlutfall lóðar mætti vera meira og bendir á stækkun í SA inn á svæði merkt bílastæði sem möguleika. Skipulags- og umhverfisráð beinir erindinu áfram til hafnarstjórnar Vesturbyggðar.

Tekið fyrir öðru sinni erindi frá Ginga teiknistofu f.h. Jóns Árnasonar um byggingu iðngarða á hafnarsvæði og beiðni um sameiningu tveggja lóða í eina. Hafnarstjórn hafði áður frestað erindinu á grundvelli þess að nýting svæðisins væri ónæg.

Nú hefur umsækjandi skilað inn nýrri tillögu með aukinni nýtingu á svæðinu, sótt er um að sameina tvær lóðir á Vatneyri og byggja þar svokallaða Iðngarða. Erindinu fylgir snið og afstöðumynd, unnin af Ginga teiknistofu dags. 8.mars 2017.

Hafnarstjórn fagnar uppbyggingu á hafnarsvæðinu og samþykkir erindið fyrir sitt leyti en bendir á að nýtingarhlutfall lóðar mætti vera meira og bendir á stækkun í SA inn á svæði merkt bílastæði sem möguleika.