Málsnúmer 1701005F
Skráðu netfangið þitt og við sendum tilkynningu ef það er skráð fundargerð með þessu málsnúmeri.
15. febrúar 2017 – Bæjarstjórn
Fundargerðin er í 11. töluliðum.
Til máls tóku: Forseti, NÁJ, HT, ÁS, bæjarstjóri og GPH.
2.tölul. Reglur um sérstakan húsnæðisstuðning. Bæjarstjórn samþykkir reglur Vesturbyggðar um sérstakan húsnæðisstuðning.
3.tölul. Fjallskil 2017. Bæjarstjórn frestar afgreiðslu dagskrárlíðarins.
4.tölul. Rekstur og fjárhagsstaða 2017. Bæjarstjórn samþykkir að aukaklippikort til einstaklinga kosti 8.500 kr. og að móttekið sorp á gámastöðvar Vesturbyggðar frá lögaðilum fari eftir gjaldskrá Gámaþjónustu Vestfjarða ehf. hverju sinni eða nú 6.220 kr. án vsk. fyrir hvern rúmmetra.
Bæjarstjórn samþykkir að 7. tölul. reglna á árinu 2017 um niðurfellingu fasteignagjalda ellilífeyrisþega og öryrkja falli niður.
11.tölul. Reykjavíkurflugvöllur - ályktun um neyðarbraut. Bæjarstjórn Vesturbyggðar tekur undir með þeim sveitarfélögum sem undanfarið hafa ályktað um lokun NA/SV flugbrautarinnar á Reykjavíkurflugvelli, svokallaðrar neyðarbrautar. Það hefur sýnt sig að það er algjörlega óásættanlegt að brautin sé lokuð meðan ekki er boðið upp á aðrar lausnir til að sinna sjúkraflugi við þau tilteknu skilyrði sem brautinni er ætlað að sinna. Bíðum ekki eftir að það eigi sér stað óafturkræft tjón til að gripið verði til aðgerða. Íbúar landsbyggðarinnar þurfa að hafa óskert aðgengi að sjúkrahúsi allra landsmanna í Reykjavík.
Fundargerðin samþykkt samhljóða.