Málsnúmer 1702005F
Skráðu netfangið þitt og við sendum tilkynningu ef það er skráð fundargerð með þessu málsnúmeri.
15. febrúar 2017 – Bæjarstjórn
Fundargerðin er í 9. töluliðum.
Til máls tóku: Forseti, ÁS og HT.
HT lét bóka að hann hafi ekki tekið þátt í afgreiðslu 3.tölul. dagskrár vegna tengsla við aðila máls. Bæjarstjóri lét bóka að hún hafi ekki tekið þátt í afgreiðslu 2.tölul. og 7.tölul. dagskrár vegna tengsla við aðila máls.
4. tölul. Framkvæmdaleyfi. Snjósöfnunargrindur og vindkljúfar ofan upptaka svæða Urða og Klifs. Tekin fyrir umsókn um framkvæmdaleyfi frá Vesturbyggð, dags. 10.02.2017. Framkvæmdin felur í sér annars vegar að setja upp snjósöfnunargrindur úr stáli, og hins vegar að setja upp fimm vindkljúfa úr stáli og timbri á steypta undirstöðu ofan upptakasvæða Urða og Klifs, á Patreksfirði. Erindinu fylgja gögn unnin af Verkís og Framkvæmdasýslu ríkisins. Gert er ráð fyrir að verkið hefjist í maí og verklok eru 30. september 2017.
Bæjarstjórn samþykkir veitingu framkvæmdaleyfis og felur skipulagsfulltrúa útgáfu þess eins og 13. - 16. gr. skipulagslaga nr. 123/2010 mæla fyrir um.
Fundargerðin samþykkt samhljóða.