Hoppa yfir valmynd

ÍsKalk. Umsókn um sameiningu lóða, Strandgata 2 og Hafnarteigur 4.

Málsnúmer 1705054

Skráðu netfangið þitt og við sendum tilkynningu ef það er skráð fundargerð með þessu málsnúmeri.

15. maí 2017 – Skipulags og umhverfisráð

Tekið fyrir erindi Einar Sveins Ólafsson fyrir hönd Íslenska Kalkþörungafélagsins dagsett 12.5. 2017 þar sem óskað er því að lóðir félagsins að Strandgöta 2 og Hafnarteig 4 verði sameinaðar og skipulagi þeirra breitt.

Skipulags- og umhverfisráð samþykkir að grenndarkynna tillögu að breytingu á deiliskipulagi hafnarsvæðis á Bíldudal frá 2013, hljóti málið jákvæða umfjöllun hjá Hafnarstjórn Vesturbyggðar.

Frestur til að skila athugasemdum og ábendingum er 4 vikur, þ.e. til og með 21. júní 2017. Litið verður svo á að þeir sem ekki gera athugasemdir séu samþykkir fyrirhugaðri framkvæmd.

Nánari upplýsingar eru veittar á skrifstofu Vesturbyggðar á opnunartíma skrifstofunnar. Fyrirspurnir má einnig senda á netfangið vesturbyggd@vesturbyggd.is.




16. maí 2017 – Hafnarstjórn

Tekið fyrir erindi Einar Sveins Ólafssonar fyrir hönd Íslenska Kalkþörungafélagsins dagsett 12.5. 2017 þar sem óskað er eftir því að lóðir félagsins að Strandgötu 2 og Hafnarteig 4 verði sameinaðar og skipulagi þeirra breitt.

Hafnarstjórn samþykkir að farið verði í sameiningu lóðanna, gegn því að höfnin fái meira athafnasvæði við Bíldudalshöfn.

Byggingarhlutfall á Strandgötu 2, skv. gildandi skipulagi er 0,49 sem heimilar byggingu að stærð allt að 735fm. Hafnarstjórn leggur áherslu á að með sameiningu lóðanna muni ný bygging ekki verða stærri en 1100 fm eða 50x22 m, miðað við að hún sé áföst núverandi húsi félagsins og byggð á nýjum lóðarmörkum.




22. ágúst 2017 – Hafnarstjórn

Mættur til fundarins Einar S. Ólafsson f.h. Íslenska Kalkþörungafélagsins. Lagðar fram teikningar vegna byggingar félagsins á nýju 1.420 fm. geymsluhúsnæði á Strandgötu 2, þar sem búið er að gefa leyfi til niðurrifs á eldri byggingum. Teikningar gera ráð fyrir byggingu á sameinaðri lóð Strandgötu 2 og Hafnarteig 4. Hafnarstjórn samþykkir erindið miðað við framlagðar teikningar og felur forstöðumanni tæknideildar að ganga frá sameiningu lóðanna og samkomulagi um afnotarétt Hafnarsjóðs á þeim hluta lóðar til vesturs sem út af stendur.




16. október 2017 – Skipulags og umhverfisráð

Guðmundur Valgeir vék af fundi við afgreiðslu þessa máls.

Skipulags- og umhverfisráð bókaði á 34.fundi sínum þann 15.05.2017 að grenndarkynna tillögu að breytingu á deiliskipulagi hafnarsvæðis á Bíldudal frá 2013.

Skipulags- og umhverfisráð samþykkir breytingu á deiliskipulagi hafnarsvæðis á Bíldudal frá 2013 vegna sameiningar lóða Strandgötu 2 og Hafnarteigs 4. Tillagan var grenndarkynnt skv. 2. mrg. 43. gr. skipulagslaga nr. 123/2010. Frestur til að skila athugasemdum og ábendingum voru 4 vikur, þ.e. til og með 11.október 2017.
Tillagan var einnig kynnt á opnum fundi 19. september sl. Ein athugasemd barst við auglýsta grenndarkynningu.

1. Víkingur Gunnarsson, dagsett 2. október 2017.
Athugasemdin felst í því að nýbygging sú sem fyrirhuguð er á lóðinni verði samsíða 2012 húsi. Vegna ört vaxandi umfangs við slátrun hjá Arnarlax að strandgötu 1. mun það skipta miklu ef nýja húsnæðið verði samsíða 2012 byggingunni ( sjá gulu línu á korti) og geri þar með strandgötuna breiðari.

Svar:
Skipulags og umhverfisráð samþykkir að sameina lóðirnar.
Ráðið leggur til að byggingarreiturinn verði í sömu byggingalínu og bygging reist árið 2012.
Málinu vísað til Hafnarstjórnar.




13. nóvember 2017 – Hafnarstjórn

Erindi tekið fyrir eftir grenndarkynningu og umfjöllun skipulags- og umhverfisráðs. Ein athugasemd barst við grenndarkynninguna:

1. Víkingur Gunnarsson f.h. Arnarlax hf, dagsett 2. október 2017.
Athugasemdin felst í því að nýbygging sú sem fyrirhuguð er á lóðinni verði samsíða 2012 húsi. Vegna ört vaxandi umfangs við slátrun hjá Arnarlax að strandgötu 1. mun það skipta miklu ef nýja húsnæðið verði samsíða 2012 byggingunni ( sjá gulu línu á korti) og geri þar með strandgötuna breiðari.

Skipulags- og umhverfisráð bókaði á 40. fundi sínum þann 16.10.2017 eftirfarandi:

Skipulags og umhverfisráð samþykkir að sameina lóðirnar.
Ráðið leggur til að byggingarreiturinn verði í sömu byggingalínu og bygging reist árið 2012.
Málinu vísað til Hafnarstjórnar.

Hafnarstjórn frestar afgreiðslu málsins og felur skipulagsfulltrúa að skoða málið betur í ljósi athugasemdar er barst við grenndarkynningu sem og fyrri bókanir skipulags- og umhverfisráðs og hafnarstjórnar.