Hoppa yfir valmynd

Skipulags og umhverfisráð - 51

Málsnúmer 1809006F

Skráðu netfangið þitt og við sendum tilkynningu ef það er skráð fundargerð með þessu málsnúmeri.

19. september 2018 – Bæjarstjórn

Fundargerðin er í 7. töluliðum.

Til máls tóku: Forseti

Liður 1 í fundargerð - 1705048

Þórkatla Soffía Ólafsdóttir lét bóka að hún taki ekki þátt í afgreiðslu máls.

Með vísan í tölvupóst Skipulagsstofnunar dags. 10. september 2018 er óskað umsagnar Vesturbyggðar vegna erindis Pennu ehf. um stækkun Hótels Flókaundar í Vatnsfirði í samræmi við 6. gr. laga nr. 106/2000 og 12. gr. reglugerðar nr. 660/2015 um mat á umhverfisáhrifum.
Tilgangur framkvæmdarinnar er stækkun á hótelinu þannig að möguleiki verði á allt að 50 herbergja hóteli, byggt í áföngum með tilheyrandi stækkun þjónusturýma þ.m.t. starfsmannabyggingum og gestastofu. Bæjarstjórn hefur farið yfir gögn framkvæmdaraðila og telur að framlögð gögn fullnægi kröfum sem settar eru fram í 11 gr. í reglugerð 660/2015. Bæjarstjórn tekur undir með skipulags- og umhverfisráði og telur að framkvæmdin sé ekki háð mati á umhverfisáhrifum enda um umfangslitla framkvæmd að ræða þar sem um er að ræða mjög þröngt afmarkað svæði umhverfis byggingareiti, vísað er einnig til fulltingis í fyrri ákvarðanir Skipulagsstofnunar um matskyldu um sambærileg mál.

Bókunin samþykkt með 6 atkvæðum, einn tók ekki þátt í afgreiðslu máls.

Liður 2 í fundargerð - 1808042
Erindi frá Direkta lögfræðiþjónustu f.h. landeigenda að Koti, Patreksfirði. Í erindinu er sótt um stofnun vegsvæðis í landi Kots, landeignarnr. 139895. Erindinu fylgir uppdráttur er sýnir vegsvæðið.

Bæjarstjórn samþykkir stofnun lóðar undir vegsvæði í landi Kots.

Samþykkt samhljóða.

Liður 3 í fundargerð - 1808041
Erindi frá Direkta lögfræðiþjónustu f.h. landeigenda að Hvalskeri, Patreksfirði. Í erindinu er sótt um stofnun vegsvæðis í landi Hvalskers, landeignarnr. 139885. Erindinu fylgir uppdráttur er sýnir vegsvæðið.

Bæjarstjórn samþykkir stofnun lóðar undir vegsvæði í landi Hvalskers.

Samþykkt samhljóða.

Liður 4 í fundargerð - 1708013
Tekin fyrir eftir auglýsingu, tillaga að deiliskipulagi, Landspilda úr landi Fremri-Hvestu í Arnarfirði. Tillagan var auglýst með athugasemdarfresti til 6. ágúst 2018. Engar athugasemdir bárust við tillöguna.
Umsagnir liggja fyrir frá Heilbrigðiseftirliti Vestfjarða, Vegagerðinni og Veðurstofu Íslands og hefur verið brugðist við þeim.
Bæjarstjórn samþykkir deiliskipulag dagsett, 24. maí og breytt 28. ágúst 2018 með þeim breytingum sem fram koma á þeim uppdrætti. Málsmeðferð verði skv. 1. mgr. 42. gr. skipulagslaga nr. 123/2010.

Samþykkt samhljóða.

Liður 5 í fundargerð - 1612015
Tekin fyrir tillaga að deiliskipulagi íbúðarbyggðar og ofanflóðavarnargarðar, Urðir-Mýrar, greinargerð og uppdráttur dagsett, 17. ágúst 2018. Tillagan var forkynnt skv. 4. mgr. 40. gr. skiplagslaga nr. 123/2010 og auglýst á heimasíðu Vesturbyggðar 22. maí og gefinn var vikufrestur til að koma með ábendingar og athugasemdir.
Bæjarstjórn samþykkir að tillagan verði auglýst skv. 41. gr. og hún verði einnig send til umsagnaraðila.

Samþykkt samhljóða.

Fundargerðin samþykkt samhljóða.