Viðmið um tekjur og eignir í reglum sveitarfélaga um úthlutun á félagslegu leiguhúsnæði - SÍS

Tölvupóstur dags. 28. janúar sl. frá sambandi íslenskra sveitarfélaga lagður fram, þar sem bent er á að bæjarstjórn skuli setja sér reglur um meðferð umsókna um húsnæði á vegum sveitarfélagsins. Erindinu er vísað til Velferðaráðs.

Velferðarráð hyggst hefja vinnu við að setja reglur samkvæmt 45.grein laga um félagþjónustu nr. 40/1991 með síðari breytingum sem fjallar um húsnæðismál. Í vinnu sinni tekur Velferðarráðið tilit til reglna annara sveitarfélaga og viðmiðunarfjárhæðar.

Velferðarráð telur nauðsynlegt að sveitarfélögin geti boðið upp á félagslegt húsæði og setji sér reglur varðandi það.

Velferðarráð vill benda á að ekkert leíguhúsnæði er skilgreint sem félagslegt leiguhúsnæði í sveitarfélögunum en telur fulla þörf fyrir því. Í framhaldi af því yrðu settar reglur um hverjir gætu nýtt sér húsnæðið . Samkvæmt lögum nr. 40/1991 um félagsþjónustu með síðari breytingum kemur fram í 45.gr. að sveitarfélög skulu, eftir því sem kostur er og þörf er á, tryggja framboð af leiguhúsnæði .... handa þeim fjölskyldum og einstaklingum sem ekki eru á annan hátt færir um að sjá sér fyrir húsnæði sökum lágra launa, þungrar framfærslubyrðar eða annarra félagslegra aðstæðna.