Vesturbyggð - Aðalskipulag 2018-2030

Lögð fyrir til kynningar drög að aðalskipulagi Vesturbyggðar 2018-2030.

Skipulagsfulltrúi fór yfir stöðu vinnu við endurskoðun Aðalskipulags Vesturbyggðar 2018-2030.

Lagt fram til kynningar endurskoðun Aðalskipulags Vesturbyggðar 2018-2030. Fyrirhugað er að halda aukafund hjá skipulags- og umhverfisráði þann 19.júní vegna endurskoðunar aðalskipulags.

Fræðslu- og æskulýðsráð hefur ekki athugasemdir við aðalskipulagið að svo stöddu.

Lagt fram til kynningar endurskoðun Aðalskipulags Vesturbyggðar 2018-2030. Fyrirhugað er að halda aukafund með skipulags- og umhverfisráði og bæjarstjórn þann 19.júní vegna endurskoðunar aðalskipulags.

Sölvi Sólbergsson framkvæmdastjóri orkusviðs OV og Jónas Heiðar Birgisson fulltrúi í stýrihóp við endurskoðun Aðalskipulags Vesturbyggðar 2018-2030 komu inn á fundinn.

Sölvi Sólbergsson, framkvæmdastjóri orkusviðs OV kynnti hugmyndir Orkubús Vestfjarða ohf. varðandi virkjanakost í Vatnsfirði, Barðaströnd í tengslum við endurskoðun aðalskipulags Vesturbyggðar 2018-2030.

Sölvi Sólbergsson og Jónas Heiðar Birgisson véku af fundi.

Velferðarráð fór endurskoðun aðalskiptulags Vesturbyggðar.
Velferðarráð vill vekja athygli á að í sveitarfélaginu sé aðgengi fyrir alla. Vill vekja athygli á öryggi í umferð t.d. fyrir börn með gangbrautum og gangstéttum einnig með aðgerðum til að lækka hraðan við staði þar sem börn eru s.s. við skóla.

Lagt fram til kynningar gögn vegna breytinga á aðalskipulagi Vesturbyggðar 2018-2030.
Ráðið felur menningar-og ferðamálafulltrúa að koma athugasemdum til skila til byggingafulltrúa.

Lagt fram til kynningar greinargerð og uppdrættir á vinnslutillögu á endurskoðun Aðalskipulags Vesturbyggðar 2018-2030.

Haldinn verður sérstakur fundur með skipulags- og umhverfisráði um endurskoðunina þann 29. október.

Farið yfir tillögu að aðalskipulagi Vesturbyggðar 2018-2030.

Farið yfir tillögu að aðalskipulagi Vesturbyggðar 2018-2030.

Lögð fyrir tillaga að aðalskipulagi Vesturbyggðar 2018-2030. Formaður bæjarráðs bar upp tillögu þar sem lagt er til við bæjarstjórn að skipaður verði þriggja manna vinnuhópur til að vinna að gerð aðalskipulags.

Til máls tóku: Forseti, ÞSÓ og ÁS.

Bæjarstjórn samþykkir tillöguna og felur bæjarráði að skipa í hópinn.

Tekin fyrir tillaga sem lögð var fyir á síðasta bæjastjórnarfundi Vesturbyggðar þar sem lagt var til að skipaður verði þriggja manna vinnuhópur til að vinna að gerð aðalskipulags. Bæjarstjórn samþykkti tillöguna og fól bæjarráði að skipa í hópinn.
Bæjarráða skipar Friðbjörgu Matthíasdóttur, Þórkötlu Soffíu Ólafsdóttur og Jóhann Pétur Ágústsson í hópinn.

Fyrir liggur tillaga að endurskoðuðu Aðalskipulagi Vesturbyggðar 2018-2035. Tillagan var forkynnt skv. 30 gr. Skipulagslaga nr. 123/2010 í lok árs 2020 og kynnt á íbúafundi 9. febrúar 2021.

Tillagan hefur verið send til umsagnaraðila og umsagnir liggja fyrir frá eftirfarandi aðilum: Atvinnuvega- og nýsköpunarráðuneyti, Náttúrufræðistofnun Íslands, Samgöngustofu, Vegagerðinni, Breiðafjarðarnefnd, Fiskistofu, Minjastofnun, Umhverfisstofnun, Landgræðslunni, Tálknafjarðarhreppi og Veðurstofu Íslands. Fyrir liggur samantekt skipulagsfulltrúa á innsendum umsögnum og mögulegum viðbrögðum.

Skipulagsstofnun hefur heimilað auglýsingu á tillögunni, með bréfi dagsett 25. mars þegar tekið hefur verið tillit til athugasemda stofnunarinnar eða að tillagan verði auglýst með athugasemdum Skipulagsstofnunar.

Skipulags- og umhverfisráð samþykkir framlagða tillögu að endurskoðuðu Aðalskipulagi Vesturbyggðar 2018-2035 og leggur til við bæjarstjórn að tillagan og umhverfisskýrsla verði auglýst skv. 31. gr skipulagslaga nr. 123/2010 ásamt athugasemdum skipulagsstofnunar.