Balar 9-11, umsókn um byggingaráform.

Erindi frá Skemman Vatneyri ehf, dags. 12.01.2021. Í erindinu er sótt um samþykki byggingaráforma fyrir 251,8m2 parhúsi við Bala 9-11(hvor íbúð er 125,9m2), Patreksfirði. Erindinu fylgja teikningar unnar af H.S.Á. Teiknistofu, dags. 8.1.2021, Vegna formgalla á framkvæmd fyrri grenndarkynningar og athugasemd vegna þessa er ákveðið að grenndarkynna framkvæmdina aftur.

Svæðið er skilgreint sem íbúðarsvæði skv. gildandi aðalskipulagi Vesturbyggðar.
Skipulags- og umhverfisráð samþykkir byggingaráformin með fyrirvara um jákvæða niðurstöðu grenndarkynningar. Ráðið felur skipulagsfulltrúa að grenndarkynna framkvæmdina fyrir eigendum fasteignanna að Brunnum 8, 10, 12, 14, 16, 18, 20, og 22 Bölum 4,6, 17, 19, 21 og 23 og Aðalstræti 87A og 89.

Tekið fyrir eftir grenndarkynningu byggingaráform við Bala 9-11, Patreksfirði. Óskað er eftir að fá að reisa 251,8 m2 parhús við Bala 9-11 (hvor íbúð er 125,9m2), Patreksfirði. Áformin voru grenndarkynnt frá 15. janúar 13. febrúar 2021.

Athugasemd barst frá húseigenda að Brunnum 8, Patreksfirði. Gerð er athugasemd um að ekki sé gert ráð fyrir gangstétt á Bölunum. Þar sé mikið um börn að leik og gangandi umferð bæði barna og fullorðinna, stór græn svæði og leikvöllur.

Fyrirhugaðar nýbyggingar að Bölum 9-15 útiloka ekki gerð gangstéttar við götuna og nægilegt pláss er fyrir gangstétt við ofanverða götuna og gerir skipulags- og umhverfisráð tillögu um að hún verði staðsett þar.

Skipulags- og umhverfisráð samþykkir grenndarkynninguna.

Jón Garðar Jörundsson vék af fundi.

Erindi frá Skemmunni Vatneyri ehf, dags. 9. ágúst 2021. Í erindinu er óskað eftir breytingum á áður samþykktum byggingaráformum við Bala 9-11, Patreksfirði. Breytingin felur í sér fjölgun íbúða úr tveimur í fjórar og breyttu útliti. Erindinu fylgja uppfærðir aðaluppdrættir, dags. 28. febrúar 2021.

Skipulags- og umhverfisráð samþykkir breytt byggingaráform með fyrirvara um jákvæða niðurstöðu grenndarkynningar. Ráðið felur skipulagsfulltrúa að grenndarkynna framkvæmdina fyrir eigendum fasteignanna að Brunnum 8, 10, 12, 14, 16, 18, 20, og 22 Bölum 4,6, 17, 19, 21 og 23 og Aðalstræti 87A og 89.