Málsnúmer 2104041
Skráðu netfangið þitt og við sendum tilkynningu ef það er skráð fundargerð með þessu málsnúmeri.
26. apríl 2021 – Bæjarráð
Lögð fram drög að ársreikningi Vesturbyggðar og stofnana hans fyrir árið 2020.
Haraldur Örn Reynisson endurskoðandi sveitarfélagsins fór yfir helstu atrið í ársreikningnum og svaraði spurningum nefndarmanna.
Bæjarráð vísar ársreikningi 2020 til fyrri umræðu í bæjarstjórn.
28. apríl 2021 – Bæjarstjórn
Lagður fram til fyrri umræðu ársreikningur Vesturbyggðar og stofnana hans fyrir árið 2020 ásamt endurskoðunarskýrslu. Bæjarfulltrúar hafa fengið kynningu á niðurstöðum ársins 2020 ásamt endurskoðunarskýrslu frá endurskoðanda sveitarfélagins Haraldi Erni Reynissyni.
Til máls tók: Forseti
Bæjarstjórn samþykkir samhljóða að vísa ársreikningi 2020 til seinni umræðu.
20. maí 2021 – Bæjarráð
Lagður fram til seinni umræðu ársreikningur Vesturbyggðar og stofnana hans fyrir árið 2020.
Bæjarráð vísar ársreikningi 2020 til seinni umræðu í bæjarstjórn.
26. maí 2021 – Bæjarstjórn
Lagður fram til seinni umræðu ársreikningur Vesturbyggðar og stofnana hans fyrir árið 2020.
Rekstrartekjur A og B hluta bæjarsjóðs voru 1.614 millj. kr., þar af voru 1.278 millj. kr. vegna A hluta og drógust tekjur A hluta lítils háttar saman á milli ára. Samkvæmt samanteknum ársreikningi A og B hluta bæjarsjóðs var rekstrarniðurstaðan jákvæð um 10 millj. kr. en í fjárhagsáætlun hafði verið gert ráð fyrir jákvæðri afkomu upp á 113 millj. kr. Rekstrarafkoman ársins 2019 var jákvæð um 10 milljónir og stendur því í stað á milli ára.
Fjárfest var á árinu fyrir 172 millj. kr. í fastafjármunum og tekin voru ný lán á árinu 2020 uppá 223 millj. kr. Afborganir langtímalána námu 99 millj. kr.
Heildareignir sveitarfélagsins í samanteknum ársreikningi A og B hluta námu 2.707 millj. kr. í árslok 2020. Skuldir A hluta námu í árslok 2020 1.730 millj. kr., heildarskuldbindingar (A og B hluta) námu um 2.141 millj. kr. og höfðu hækkað um réttar 123 millj. kr. frá árinu 2019.
Skuldaviðmið var 103% í árslok 2020 og hafði lækkað um 2% frá árinu 2019.
Eigið fé sveitarfélagsins samkvæmt samanteknum ársreikningi var 566 millj. kr. í árslok 2020 og var eiginfjárhlutfall 20,9% og er óbreytt frá árslokum 2019.
Veltufé frá rekstri í samanteknum ársreikningi A og B hluta var 113 millj. kr. Nam handbært fé í árslok 58,6 millj. kr. en var 5,7 millj. kr. árið áður.
Til máls tóku: Forseti og staðgengill bæjarstjóra
Ársreikningurinn samþykktur samhljóða.