Strandsvæðaskipulag Vestfjarða

Rætt um fund svæðisráðs um vinnu við strandsvæðaskipulag á Vestfjörðum, en fundurinn fór fram 22. mars sl. með hafnar- og sveitarstjórnum á sunnanverðum Vestfjörðum.

Bæjarráð hvetur íbúa í Vesturbyggð til að kynna sér vel þau gögn sem þegar hafa verið birt inná hafskipulag.is

Lögð fram til kynningar skýrsla Skipulagsstofnunar um samantekt á samráðsvinnu fyrir gerð strandsvæðaskipulags á Vestfjörðum dags. apríl 2022.

Skipulagsstofnun vinnur að gerð strandsvæðisskipulags fyrir Vestfirði í umboði svæðisráðs sem skipað er samkvæmt lögum nr. 88/2018 um skipulag haf- og strandsvæða. Um gerð skipulagsins gilda lög um skipulag haf og strandsvæða og reglugerð nr. 330/2020 um gerð strandsvæðisskipulags. Strandsvæðisskipulagið er unnið í virku samráði við aðliggjandi sveitarfélög, opinberar stofnanir og félagasamtök, auk þess sem almenningi og öðrum hagsmunaaðilum gefst tækifæri til að koma að mótun strandsvæðisskipulagsins á mismunandi stigum. Skipaður var samráðshópur um gerð strandsvæðisskipulags Vestfjarða sem í sitja fulltrúar ferðamálasamtaka, Samtaka atvinnulífsins, útivistarsamtaka og umhverfisverndarsamtaka. Nálgast má upplýsingar um ferlið við gerð skipulagsins á vefsíðunni www.hafskipulag.is og þar má jafnframt koma á framfæri athugasemdum og ábendingum við vinnuna.

Skipulagið fer í auglýsingu snemmsumars og hvetur skipulags- og umhverfisráð íbúa, hagsmunaaðila og aðra áhugasama til að kynna sér skipulagið.

Lögð fram til kynningar skýrsla Skipulagsstofnunar um samantekt á samráðsvinnu fyrir gerð strandsvæðaskipulags á Vestfjörðum dags. apríl 2022.

Skipulagsstofnun vinnur að gerð strandsvæðisskipulags fyrir Vestfirði í umboði svæðisráðs sem skipað er samkvæmt lögum nr. 88/2018 um skipulag haf- og strandsvæða. Um gerð skipulagsins gilda lög um skipulag haf og strandsvæða og reglugerð nr. 330/2020 um gerð strandsvæðisskipulags. Strandsvæðisskipulagið er unnið í virku samráði við aðliggjandi sveitarfélög, opinberar stofnanir og félagasamtök, auk þess sem almenningi og öðrum hagsmunaaðilum gefst tækifæri til að koma að mótun strandsvæðisskipulagsins á mismunandi stigum. Skipaður hefur verið samráðshópur um gerð strandsvæðisskipulags Vestfjarða sem í sitja fulltrúar ferðamálasamtaka, Samtaka atvinnulífsins, útivistarsamtaka og umhverfisverndarsamtaka. Nálgast má upplýsingar um ferlið við gerð skipulagsins á vefsíðunni www.hafskipulag.is og þar má jafnframt koma á framfæri athugasemdum og ábendingum við vinnuna.

Skipulagið fer í auglýsingu snemmsumars og eru íbúar, hagsmunaaðilar og aðrir hvattir til að kynna sér skipulagið.

Rætt um stöðu vinnu við strandsvæðaskipulag Vestfjarða.

Lagður fram tölvupóstur Hrafnkels Ásólfs Proppé, sviðsstjóra Skipulagsstofnunar, dags.
15. júní 2022, þar sem kynntur er upplýsingafundur um tillögu að strandsvæðaskipulagi Vestfjarða.

Í skipulagstillögunni er sett fram stefna um nýtingu svæðis sem nær yfir firði og flóa frá Bjargtöngum í suðri að Straumnesi í norðri.

Upplýsingafundur á sunnanverðum Vestfjörðum var haldinn í Félagsheimilinu Baldurshaga á Bíldudal, 22. júní 2022, kl. 12:00, og var öllum opinn.

Skipulagstillagan ásamt frekari upplýsingum um kynningartíma og frest til að koma að athugasemdum er aðgengileg á www.hafskipulag.is og liggur jafnframt frammi hjá Skipulagsstofnun í Reykjavík og á skrifstofum Vesturbyggðar, Tálknafjarðarhrepps, Ísafjarðarbæjar, Bolungarvíkurkaupstaðar, Súðavíkurhrepps og Strandabyggðar.

Frestur til að koma skriflegum athugasemdum á framfæri er til 15. september 2022.

Bæjarráð vísar skipulagstillögunni til umsagnar í skipulags- og umhverfisráði og hafna- og atvinnumálaráði.

Tekið fyrir erindi frá Skipulagsstofnun með tölvupósti dagsettum 15. júní 2022 þar sem tilkynnt er um að hafin er kynning á Strandsvæðaskipulagi Vestfjarða. Kynningin og umsagnartímabil mun standa til 15. september nk.

Samþykkt samhljóða að fresta málinu til næsta fundar skipulags- og umhverfisráðs en að tillagan verði send til hafnar- og atvinnumálaráðs og menningar- og ferðamálaráðs til umsagnar.

Skipulags- og umhverfisráð óskar eftir að haldinn verði fundur með fulltrúa sunnanverðra vestfjarða í svæðisráðinu.

Tekið fyrir erindi frá Skipulagsstofnun með tölvupósti dagsettum 15. júní 2022 þar sem tilkynnt er um að hafin er kynning á Strandsvæðaskipulagi Vestfjarða. Kynningin og umsagnartímabil mun standa til 15. september nk.

Málinu var vísað til hafna- og atvinnumálaráðs frá 96. fundi skipulags- og umhverfisráðs.

Samþykkt samhljóða að fresta málinu til næsta fundar ráðsins, hafna- og atvinnumálaráð tekur undir með bókun skipulags- og umhverfisráðs frá 96. fundi ráðsins þar sem óskað var eftir að haldinn yrði fundur með fulltrúa sunnanverðra vestfjarða í svæðisráðinu.

Strandsvæðaskipulag Vestfjarða rætt. Unnið er að umsögn sveitarfélagsins í samvinnu við hafna- og atvinnumálaráð og skipulags- og umhverfisráð. Bæjarráð felur bæjarstjóra að leggja tillögu að umsögn fyrir fund bæjarstjórnar í næstu viku.

Með bréfi dagsett 5. júlí 2022 óskaði Skipulagsstofnun eftir umsögn
Vesturbyggðar um tillögu að Strandsvæðaskipulagi á Vestfjörðum.

Hafna- og atvinnumálaráð felur hafnarstjóra í samráði við formann ráðsins að koma tillögum að umsögn ráðsins til bæjarstjóra sem undirbýr umsögn sveitarfélagsins fyrir fund bæjarstjórnar.

Með bréfi dagsett 5. júlí 2022 óskaði Skipulagsstofnun eftir umsögn Vesturbyggðar um tillögu að Strandsvæðaskipulagi á Vestfjörðum.

Skipulags- og umhverfisráð felur byggingarfulltrúa í samráði við formann ráðsins að koma tillögum að umsögn ráðsins til bæjarstjóra sem undirbýr umsögn sveitarfélagsins fyrir fund bæjarstjórnar.

Lagt fyrir erindi Skipulagsstofnunar, dags. 5. júlí 2022, þar sem óskað er eftir umsögn um tillögu að strandsvæðaskipulagi Vestfjarða, sem unnið er á grundvelli laga nr. 88/2018 um skipulag haf- og strandsvæða. Kynnt eru drög að umsögn Vesturbyggðar um tillöguna.

Til máls tóku: Varaforseti og bæjarstjóri.

Bæjarstjórn felur bæjarstjóra að leggja lokahönd á drögin og senda Skipulagsstofnun fyrir hönd bæjarstjórnar.

Farið var yfir stöðu mála vegna vinnu við Strandsvæðisskipulag Vestfjarða, en LM situr í svæðisráði þess fyrir hönd sveitarfélaganna tveggja.

Til máls tóku: LM, JÁ, ÓÞÓ, ÞSS, GJ, SSS og AVR.

Afgreiðsla:
Samráðsnefndin var einróma um að mikilvægt væri að strandsvæðisskipulag á Vestfjörðum verði staðfest af ráðherra og taki gildi og felur LM að gera grein fyrir þeirri afstöðu í svæðisráði Strandsvæðisskipulags Vestfjarða.