Málsnúmer 2210026
18. október 2022 – Menningar- og ferðamálaráð
Lagt var fram minnisblað menningar- og ferðamálafulltrúa. Í minnisblaðinu var lögð fram hugmynd að verkferli sveitarfélagsins við val á umsóknum í Framkvæmdasjóð ferðamannastað hverju sinni.
Menningar- og ferðamálaráð tekur vel í hugmyndina og vísar málinu til umfjöllunar bæjarráðs.
25. október 2022 – Bæjarráð
Menningar- og ferðamálafulltrúi Vesturbyggðar kom inná fundinn og fór yfir minnisblað um verkferil við val á umsóknum í Framkvæmdasjóð ferðamannastaða. Málið var til umræðu á 24. fundi menningar- og ferðamálaráðs sem haldinn var 18. október sl. Lagt var til að sveitarfélagið móti sér verkferil til að forgangsraða og ákveða hvaða verkefni verður sótt formlega um í Framkvæmdasjóð ferðamannastaða hverju sinni.
Bæjarráð felur menningar- og ferðamálafulltrúa að vinna lokadrög að verkferli í samræmi við minnisblaðið sem lagður verður fyrir menningar- og ferðamálaráð til samþykktar.
6. desember 2022 – Menningar- og ferðamálaráð
Menningar- og ferðamálafulltrúi Vesturbyggðar lagði fyrir ráðið lokadrög að verkferli við val á umsóknum í Framkvæmdasjóð ferðamannastaða. Samþykkt samhljóða.