Skipulags og umhverfisráð #12

Fyrirspurn frá GINGI teiknistofu um að rífa húsið er stendur við Mikladalsveg 2a og reisa nýtt verkstæðishús að stærð 280m2. Erindið er sent f.h. eiganda lóðarinnar, þeirra Gunnars Sean Eggertssonar og Davíðs Páls Bredesen, Vélaverkstæði Patreksfjarðar ásamt Smur- og dekkjaþjónustunnar.

Skipulags- og umhverfisráð tekur neikvætt í erindið á þeim rökum að athafnasvæði umhverfis húsið sé ekki nægt m.v. núverandi rekstur og umfang Vélaverkstæðisins sem og Smur- og dekkjaþjónustunnar, með slíkri starfsemi þarf talsvert athafnasvæði sem ekki er til staðar á umræddri lóð.

Tekin fyrir umsókn um framkvæmdaleyfi frá Vesturbyggð, dagsett 30.júlí 2015. Framkvæmdin felur í sér dýpkun í Patrekshöfn í stæði vegna fyrirhugaðrar flotbryggju sem og landmótun með því efni sem kemur úr dýpkuninni. Alls nemur dýpkunin um 12.500 m3 og er fyrirhugað að setja um 2.000m3 upp á gamla urðunarsvæðið í Vatneyrarhlíð, 9.000m3 í landmótun neðan geymslugirðingar við Fjósadal þar sem áður stóð steypustöð og svo 1.500m3 í Oddann. Áætlað er að sá í svæðin við gamla urðunarsvæðið sem og neðan geymslugirðingar.

Í skipulagslögum nr.123/2010 3. mgr. 44. gr. er ákvæði um að skipulagsnefnd geti fallið frá grenndarkynningu ef sýnt er fram á að breyting á deiliskipulagi eða leyfisskyld framkvæmd varði ekki hagsmuni annarra en sveitarfélagsins og /eða umsækjanda. Með vísan í fyrrgreint lagaákvæði leggur Skipulags- og umhverfisráð til við bæjarstjórn Vesturbyggðar að fallið verði frá grenndarkynningu og umsókn Vesturbyggðar um framkvæmdaleyfi vegna dýpkunar og landmótunar verði samþykkt og að skipulagsfulltrúa verði falið að gefa út leyfið eins og 13. gr. skipulagslaga nr. 123/2010 mælir til um.