Hoppa yfir valmynd
Athugið að þessi færsla var skrifuð fyrir næstum 5 ári síðan, og því gæti innihald hennar ekki átt við lengur.

Bóka­safnið á Patreks­firði opnar upptökuver

Lions­klúbbur Patreks­fjarðar afhenti bóka­safninu tækja­búnað fyrir upptökuver að gjöf. Upptöku­verið er stað­sett í rými tónlist­ar­skólans við hliðina á bóka­safninu og er til afnota fyrir alla sem eiga bóka­safns­skír­teini í gildi á bóka­safni Patreks­fjarðar eða bóka­safni Bíldu­dals.


Skrifað: 30. mars 2019

Fréttir

Undanfarið hafa nokkrir nemendur í 8.–10. bekk Patreksskóla unnið að gerð hlaðvarpsþátta í upptökuverinu og veittu þau gjöfinni móttöku ásamt forstöðumanni bókasafnsins.

Upptökuverið hentar fyrir upptökur á hlaðvarpsþáttum, skólaverkefnum, munnlegum heimildum og öðru talmáli. Á bókasafninu er einnig í boði að leigja upptökutæki til að taka með úr húsi og er hægt að vinna efni tekið upp á það tæki í upptökuverinu.

Þeim sem vilja nýta sér aðstöðuna er bent á að hafa samband við bókasafnið á Patreksfirði og bóka tíma.

Forstöðumaður bókasafna Vesturbyggðar

BÓÞ

Birta Ósmann Þórhallsdóttir bokpatro@vesturbyggd.is / 450 2374