Breytingar á aðalskipulagi - Melanes
Samkvæmt 1. mgr. 31. gr. skipulagslaga nr. 123/2010 er hér auglýst tillaga að eftirfarandi breytingu á aðalskipulagi:
Aðalskipulag Vesturbyggðar 2006-2018 – Melanes ferðaþjónusta.
Skrifað: 4. október 2019
Auglýst er tillaga að breytingu á Aðalskipulagi Vesturbyggðar 2006-2018 í landi Melaness á Rauðasandi.
Um er að ræða breytta landnotkun frá landbúnaðarlandi yfir í verslunar- og þjónustusvæði (V11) á jörðinni Melanesi við Rauðasand. Breyting verður gerð á sveitarfélagsuppdrætti og svæðið markað gulum hring, þar sem það er undir 5 ha að flatarmáli, einum lið verður einnig bætt í töflu verslunar og þjónustu í greinargerð skipulagsins. Einnig er vatnsból og verndarsvæði þess skilgreint á uppdrætti skipulagsbreytingarinnar.
Samkvæmt 1. mgr. 41. gr. skipulagslaga nr. 123/2010 er hér auglýst tillaga að eftirfarandi deiliskipulagsáætlun:
Deiliskipulag-Melanes ferðaþjónusta.
Deiliskipulagið nær yfir tæplega 5 ha svæði innan jarðarinnar Melanes við Rauðasand í Vesturbyggð. Til stendur að skipta út fjórum lóðum og skipuleggja undir ferðaþjónustu, bæði frístundahús og smáhýsi til útleigu auk þjónustuhúss.
Tillögurnar liggja frammi á skrifstofu Vesturbyggðar, Aðalstræti 75, frá og með föstudeginum 4. október til 19. nóvember 2018.
Tillögurnar eru einnig til sýnis á heimasíðu Vesturbyggðar, www.vesturbyggd.is.
Þeim sem telja sig eiga hagsmuna að gæta er hér með gefinn kostur á að gera athugasemdir við til 18. nóvember 2019.
Skila skal athugasemdum á skrifstofu Vesturbyggðar, Aðalstræti 75, 450 Patreksfirði. Athugasemdir og ábendingar skulu vera skriflegar.
