Kvennafrí 2018
Miðvikudaginn 24. október munu konur víðsvegar um landið leggja niður störf kl. 14:55. Vesturbyggð hvetur því forráðamenn til að sækja börn sín í frístund og leikskóla fyrir klukkan 14:55.
Skrifað: 23. október 2018
Á vef viðburðarins, www.kvennafri.is, segir meðal annars:
„Samkvæmt nýjustu tölum Hagstofu Íslands um launamun kynjanna eru meðalatvinnutekjur kvenna 74% af meðalatvinnutekjum karla. Konur eru því með 26% lægri atvinnutekjur að meðaltali. Samkvæmt því hafa konur unnið fyrir launum sínum eftir 5 klukkustundir og 55 mínútur miðað við fullan vinnudag frá kl. 9–17. Daglegum vinnuskyldum kvenna er því lokið kl. 14:55.“
Í tilefni dagsins ætla konur á Bíldudal að hittast á Vegamótum kl. 15:00.
Á Patreksfirði verður boðið upp á vöfflur og kaffi í Húsinu – Creative Space kl. 15:00