Athugið að þessi færsla var skrifuð fyrir meira en 5 ári síðan, og því gæti innihald hennar ekki átt við lengur.
Nýtt Ráðhús
Nýtt Ráðhús Vesturbyggðar hefur verið opnað að Aðalstræti 75 á Patreksfirði. Húsið, sem er á tveimur hæðum, er byggt árið 1973 og hýsti áður Landsbanka Íslands. Húsið hefur tekið talsverðum breytingum til að þjóna nýju hlutverki sem best og á annarri hæð hússins má finna tvö fundarherbergi, annars vegar fyrir bæjarstjórn og hinsvegar fyrir bæjarráð og aðrar nefndir.
Skrifað: 10. september 2018
Öll starfsemi sveitarfélagsins hefur verið flutt úr Aðalstræti 63 í nýtt ráðhús. Þar má m.a. nefna;
- Almenna afgreiðslu
- Bókhald
- Byggingarfulltrúa
- Bæjarstjóra
- Félagsmálasvið
- Íþrótta– og tómstundafulltrúa
- Launavinnslu
- Manntal og skjalavörslu
- Skrifstofa slökkviliðsstjóra
- Útgáfu reikninga og innheimtu
Í október verður efnt til formlegrar opnunar en þangað til eru íbúar sveitarfélagsins velkomnir í nýtt ráðhús.