Í fyrra voru gleðikvöldin í formi söng- og spurningakeppni en að þessu sinni verður eingöngu um spurningakeppni að ræða.

Fyrsta kvöldið verður haldið föstudaginn 24. september næstkomandi í Félagsheimili Patreksfjarðar og næstu kvöld verða 15. október, 5. nóvember og 3. desember. Húsið opnar kl. 20.30 og hefst keppni stundvíslega kl. 21.00.

Lágmarksaldur keppenda er 16 ár en yngri en 18 ára verða þó að vera í fylgd með foreldri. Hver keppandi getur einungis keppt fyrir eitt lið.

Tekið er við skráningu í síma 8666822 eða hjá Fanneyju Sif. Skráning má ekki berast seinna en miðvikudaginn 15. september 2010.

Hver hópur verður að skipa þrjá keppendur. Spurt verður í nokkrum flokkum; hraðaspurningar, bjölluspurningar, vísbendingaspurningar, leikræn tilbrigði og hjólið (þar sem hjóli er snúið og liðsmaður þarf að leysa verkefni af hendi).

Leikfélagið hvetur hópa til þess að skrá sig og taka þátt.

Í ár tekur Ísland þátt í fjórða skipti í alþjóðlega verkefninu Göngum í Skólann. Verkefnið hófst í Bretlandi árið 2000 og hefur þátttaka aukist ár frá ári. Á alþjóðavísu er Göngum í skólann mánuðurinn í október og Alþjóðlegi Göngum í skólann dagurinn í ár er 6. október. Hægt er að velja hvort tekið er þátt í Göngum í skólan deginum, mánuðinum eða hluta úr mánuði. Hér á landi hófst verkefnið formlega í dag og lýkur því á Alþjóðlega Göngum í skólann deginum.

Þeir sem að verkefninu standa hérlendis eru Íþrótta- og Ólympíusamband Íslands, Mennta- og menningarmálaráðuneytið, Lýðheilsustöð, Ríkislögreglustjóri, Slysavarnarfélagið Landsbjörg, Umferðastofa og Landssamtökin Heimili og skóli.

Megin markmið verkefnisins eru að hvetja nemendur og foreldra á Íslandi til að ganga, hjóla eða fara á annan virkan hátt til og frá skóla. Um leið er ætlunin að: Hvetja til aukinnar hreyfingar með því að auka færni barna til að ganga á öruggan hátt í skólann og fræða þau um ávinning reglulegrar hreyfingar. Kenna reglur um öryggi á göngu og hjóli.

Þátttaka í verkefninu hefur vaxið ár frá ári. Nú þegar hafa fjörtíu og fimm skólar skráð sig til leiks, fleiri en nokkru sinni áður.

• Göngum í skólann
  

Fundurinn er öllum opin og reiknað er með að hann standi í tvær klukkustundir.

Fyrsti fundur verður haldinn í beinu framhaldi laugardaginn 11. september frá kl. 10-14. Fyrsti fundur er opinn öllum en hópum verður síðan lokað á fjórða fundi.

Í tólf spora starfi felst tækifæri til að skoða líf sitt, tala, hlusta, þroskast og öðlast meiri færni í að takast á við sjálfan sig og lífið.

Besta leiðin til að kynnast þessu frábæra ferðalagi er að mæta í Tálknafjarðarkirkju, en einnig má fá frekari upplýsingar á viniribata.is eða hringja í sr. Ástu I. Pétursdóttur, sóknarprest, í síma 861 3604.

Á viniribata.is má lista yfir algeng hegðunarmynstur þar sem tólf sporin geta hjálpað.

Um vegina á suðurfjörðum Vestfjarða þarf ekki að fjölyrða. Þar er ástandið þannig að ferðafólk treystir sér ekki til að keyra þá leið, heimafólkið lætur sig hafa það en sýpur hveljur yfir holunum og drullunni. Lengi hefur staðið til að leggja nýjan Vestfjarðaveg um Gufudalssveitina og meira að segja var búið að taka frá fjármuni í verkefnið en sú upphæð var reyndar afskrifuð um síðustu áramót. Framkvæmdin er líka enn í biðstöðu vegna kærumála sem engan enda ætla að taka og stjórnvöld virðast vera algjörlega ráðþrota til að leysa úr þeim málum. Fyrir stjórnsýsluna er það ekki einungis vandræðalegt, heldur líka skammarlegt.

Nýr vegur myndi gjörbreyta samgöngum á svæðinu og auka öryggið að sumri og vetri. Láglendisvegur myndi leysa bratta hálsa af hólmi og hægt væri að treysta á að færðin væri í lagi árið um kring. En umferðaröryggi gengur víst ekki fyrir, það gleymdist að gera ráð fyrir því í lögunum um umhverfismat!

Lítið sem ekkert viðhald er á vegunum á Vestfjörðum og ber Vegagerðin við peningaleysi og annarri forgangsröðum. Á sama tíma virðast vera til fjármunir í dekurverkefni ríkisstjórnarinnar sem ég fæ ekki skilið hvernig geta verið á forgangslista ráðherra samgöngumála. En það eru Vaðlaheiðargöng og tvöföldun Suðurlandsvegar. Síðast þegar ég vissi var ágætis vegur um Vaðlaheiði, engar holur þar og þetta flotta malbik! Og síðast þegar ég vissi voru forsendur framkvæmdarinnar fyrir norðan ekki uppfylltar og harla ólíklegt að þær verði það á næstu misserum en höfuðforsendurnar voru uppbygging álversins á Bakka.

Það má ekki skilja þessa gagnrýni sem svo að ég fagni ekki vegaframkvæmdum, síður en svo. Menn ættu hins vegar kannski að klára það sem byrjað hefur verið á og er í versta ásigkomulaginu áður en farið er í gríðarlega fjárfrekar framkvæmdir sem munu soga til sín allt fjármagn til vegagerðar á næstu árum ef fram heldur sem horfir í ríkisfjármálum.

Á sama tíma og ástandið er eins og hér er lýst senda stjórnvöld okkur sveitarstjórnarmönnum á Vestfjörðum þau skilaboð að við eigum að vinna meira saman. Lausnir þeirra eru að þétta þjónustuna á stærri stöðunum og leggja niður störf í smærri byggðunum, sum sé auka samvinnu (það er efni í aðra grein)! Við viljum gjarnan meira samstarf en þá verða samgöngurnar að vera í lagi svo við komumst á milli staða.

Nú liggur fyrir Alþingi frumvarp til laga frá Einari Kristni Guðfinnssyni, sem er fyrsti flutningsmaður, og Ásbirni Óttarssyni og Gunnari Braga Sveinssyni alþingismönnum um lagningu vegar milli Flókalundar og Bjarkalundar en það er vegurinn sem stjórnsýslan er í vandræðum með. Mikilvægt er að í frumvarpinu er tekið fullt tillit til náttúruverndarsjónarmiða sbr. dóm Hæstaréttar nr. 671/2008 um lagningu Vestfjarðavegar nr. 60. Þar fellst dómurinn á þau sex skilyrði sem umhverfisráðherra setti fram í úrskurði sínum 6. janúar 2007 og heimilar þar með veglagningu í Gufudalssveit. Þá skal ennfremur minnt á að fordæmi eru fyrir því að sett séu sérstök lög um málefni sem varða almannahag en þessi veglagning mun auka umferðaröryggi gríðarlega.

Góðar samgöngur eru grundvöllur þess að atvinnulíf og mannlíf þrífist í kringum landið. Góðar samgöngur eru forsendur viðunandi afkomu fyrirtækja og heimila. Góðar samgöngur eru forsenda samvinnu á öllum sviðum samfélagsins. Íbúar sunnanverðra Vestfjarða hafna því að þurfa enn og aftur að vera skildir eftir þegar kemur að samgöngubótum. Það er ófært að opinber þjónusta sé ekki aðeins flutt í burtu heldur sé viðhaldi á vegunum á svæðinu ekki sinnt. Er það kannski opinbert markmið ríkisstjórnarinnar að leggja sveitarfélögin á sunnanverðum Vestfjörðum af?

Ég skora á þingmenn, hvar í flokki sem þeir standa, og ríkisstjórnina alla að taka á þessum málum og styðja við frumvarpið um lagningu Vestfjarðavegar nr. 60. Við þetta ófremdarástand verður ekki unað, brandarinn um vegina á Vestfjörðum er orðinn of langur. Við þetta ófremdarástand verður ekki unað, brandarinn um vegina á Vestfjörðum er orðinn of langur.

Höfundur er bæjarstjóri í Vesturbyggð.

Greinin birtist upphaflega í Morgunblaðinu 6. september 2010

• Ávarp skólameistara
• Kynning á áfangakerfi, stundatöflu, stoðþjónustu og skólareglum
• Kynning á INNU - upplýsingakerfi skóla, Moodle - kennslukerfi FSN
• Kynning á NFSN - nemendafélagi og félagslífi
• Kynning á foreldrafélagi
• Umræður og önnur mál
• Umsjónarkennarar hitta foreldra

Í varastjórn voru kjörin þau, Baldur Smári Einarsson, Bolungarvíkurkaupstað, Birna Benediktsdóttir, Tálknafjarðarhreppi, Guðfinna Hreiðarsdóttir, Ísafjarðarbæ, Jóna Benediktsdóttir, Ísafjarðarbæ og Sveinn Ragnarsson, Reykhólahreppi.

Í fastanefnd um samgöngumál voru kjörin þau Elías Jónatansson, Bolungarvíkurkaupstað, Eyrún Ingibjörg Sigþórsdóttir, Tálknafjarðarhreppi, Guðbrandur Sverrisson, Kaldrananeshreppi og Gústaf Jökull Ólafsson, Reykhólahreppi. Til vara voru kjörin þau Guðfinna Hreiðarsdóttir, Ísafjarðarbæ, Eiríkur Kristjánsson, Reykhólahreppi, Jón Gísli Jónsson, Strandsbyggð og Magnús Ólafs Hansson, Vesturbyggð. Stjórn Fjórðungsambands Vestfirðinga velur einn fulltrúa úr stjórn sambandsins til að sitja í nefndinni, hann verður valinn á fyrsta fundi stjórnar.

Eitt kvöldið nú fyrir stuttu leit ég út og sá norðurljósin lýsa upp næturhimininn og það var undursamleg sjón sem minnti mig á allt hið fagra sem fylgir vetrinum. Því í reynd er það þannig að fátt hreyfir á jafn áhrifamikinn hátt við mannsálinni eins og samspil ljóss og myrkurs. Veturinn færir okkur Vestfirðingum stjörnubjartar nætur, altumvefjandi myrkur og fagra sólaruppkomu. Og fátt er rómantískara á köldum og dimmum vetrarkvöldum en að sitja inni í hlýjunni við kertaljós og prjóna á meðan eiginmaðurinn les upp úr Íslendingasögunum. Þessar hugsanir fá mig til að hlakka til vetrarins.

Að vakna í myrkri og sofna í myrkri tilheyrir vetrinum. Jafn mikið og ég kann að meta birtuna þá er myrkrið ekki síður áhugavert. Það er þó eitthvað við myrkrið sem að vekur kvíða og ótta við hið óþekkta sem í myrkrinu kann að búa. Þetta eru tilfinningar sem við flest viljum forðast, svolítið eins og börn sem þjást af myrkfælni. En öll þurfum við að finna leiðir til að lifa með og í myrkrinu án þess að flýja það eða láta það buga okkur.

Það er áhugavert að skoða gjafir myrkursins og nauðsynlegt að leyfa sér stundum að hvíla í myrkrinu án þess að flýja samstundis inní ljósið á ný. Finna að í myrkrinu býr hvíld, þar er staður íhugunar og endurnýjunar, staður til að hlaða orkustöðvarnar áður en haldið er út í heiminn á ný. Líkt og náttúran undirbýr sig yfir veturinn að springa aftur út að vori, getum við notað veturinn til að undirbúa okkur fyrir nýtt upphaf.

Þannig getur tími myrkursins verið frjór og skapandi í lífi okkar. Hann gefur okkur tækifæri til að næra kyrrð og ró, endurmeta gildismat okkar og lífsmáta, huga að því sem betur má fara í lífi okkar og samskiptum við annað fólk. Hann færir okkur ótal skapandi tækifæri til að lýsa upp líf okkar og ástvina okkar.

En ég get þó ekki annað, samt sem áður, en tekið mér í munn varnaðarorð þekkts útvarpsmanns og sagt: Passið ykkur á myrkrinu!

Guð gefi ykkur góðar stundir.

Greinin birtist upphaflega í Firðinum, 1.tbl. 2010.