Málsnúmer 2401019
Skráðu netfangið þitt og við sendum tilkynningu ef það er skráð fundargerð með þessu málsnúmeri.
8. febrúar 2024 – Menningar- og ferðamálaráð
Lagðar voru fyrir styrkbeiðnir sem bárust ráðinu í fyrstu úthlutun ársins 2024. Alls bárust sjö umsóknir.
1. Slysavarnadeildin Gyða sækir um styrk vegna kaupa á hljóðnemum. Sótt er um 150 þúsund króna styrk.
Menningar- og ferðamálaráð samþykkir styrkbeiðnina.
2. Fjólubláa húfan ehf. sækir um styrk vegna útgáfu sófaborðsbókar um Vestfirði. Sótt er um 150 þúsund króna styrk.
Menningar- og ferðamálaráð telur umsóknina ekki falla að áherslum nefndarinnar og hafnar umsókninni.
3. Kvenfélagið Sif sækir um styrk vegna þorrablóts á Patreksfirði sem haldið var þann 27. janúar sl. Sótt er um styrk sem nemur niðurfellingu leigu á félagsheimili Patreksfjarðar.
Menningar- og ferðamálaráð samþykkir styrk að upphæð 150 þúsund krónur í samræmi við reglur sjóðsins.
4. Lilja Sigurðardóttir sækir um styrk vegna árshátíðar fyrirtækjanna sem haldin verður þann 9. mars n.k. Sótt er um 150 þúsund króna styrk.
Menningar- og ferðamálaráð telur umsóknina ekki falla að áherslum nefndarinnar og hafnar umsókninni.
5. Slysavarnadeildin Unnur sækir um styrk vegna 90 ára afmælis deildarinnar sem haldið verður upp á þann 24. febrúar n.k. Sótt er um styrk sem nemur niðurfellingu leigu á félagsheimili Patreksfjarðar.
Menningar- og ferðamálaráð samþykkir styrkbeiðnina.
6. Kristín Mjöll Jakobsdóttir sækir um styrk vegna tónleikaferðar blásaraoktettsins Hnúkaþeys í Vesturbyggð. Sótt er um 200 þúsund króna styrk.
Menningar- og ferðamálaráð samþykkir styrk að upphæð 150 þúsund krónur í samræmi við reglur sjóðsins.
7. Andrew J. Yang sækir um styrk vegna Alþjóðlegu píanóhátíðarinnar á Vestfjörðum sem haldin verður í ágúst næstkomandi. Sótt er um 150 þúsund króna styrk.
Menningar- og ferðamálaráð samþykkir styrkbeiðnina.
10. maí 2024 – Menningar- og ferðamálaráð
Lagðar voru fyrir styrkbeiðnir sem bárust ráðinu í annarri úthlutun ársins 2024. Alls bárust þrettán umsóknir.
1. Magnús Thorlacius sækir um styrk fyrir uppsetningu einleiksins Flokkstjórinn á Patreksfirði og Bíldudal. Sótt er um 150 þúsund króna styrk.
Menningar- og ferðamálaráð samþykkir styrkbeiðnina.
2. Minjasafn Egils Ólafssonar sækir um styrk til að bæta ásýnd og aðbúnað safngripa á Minjasafninu á Hnjóti. Sótt er um 82.358 króna styrk.
Menningar- og ferðamálaráð hafnar styrkbeiðninni.
3. Minjasafn Egils Ólafssonar sækir um styrk fyrir varðveislu og viðgerðum á bátnum Skúla Hjartarsyni BA250. Sótt er um 150 þúsund króna styrk.
Menningar- og ferðamálaráð frestar afgreiðslu umsóknarinnar og felur menningar- og ferðamálafulltrúa að óska eftir gögnum um nýtingu síðasta styrks fyrir verkefninu, í samræmi við reglur sjóðsins.
4. Minjasafn Egils Ólafssonar sækir um styrk fyrir varðveislu og viðgerðum á bátnum Mumma BA21. Sótt er um 150 þúsund króna styrk.
Menningar- og ferðamálaráð frestar afgreiðslu umsóknarinnar og felur menningar- og ferðamálafulltrúa að óska eftir gögnum um nýtingu síðasta styrks fyrir verkefninu, í samræmi við reglur sjóðsins.
5. Félag um Ljóðasetur Íslands sækir um styrk fyrir verkefninu Þorpin þrjú þar sem ljóðskáldin Þórarinn Hannesson og Ólafur Sveinn Jóhannesson flytja ljóð á Bíldudal, Tálknafirði og Patreksfirði. Sótt er um 150 þúsund króna styrk.
Menningar- og ferðamálaráð samþykkir styrkbeiðnina.
6. Slysavarnadeildin Gyða sækir um styrk fyrir þorrablóti á Bíldudal 2024. Sótt er um 85.120 króna styrk.
Menningar- og ferðamálaráð frestar afgreiðslu umsóknarinnar og felur menningar- og ferðamálafulltrúa að afla frekari upplýsinga.
7. Blús milli fjalls og fjöru sækir um styrk fyrir þrettándu blúshátíðinni sem verður haldin í lok ágúst 2024. Sótt er um styrk sem nemur leigu á félagsheimili Patreksfjarðar.
Menningar- og ferðamálaráð samþykkir styrkbeiðnina. Lagt er til að gerður verði samningur við aðstandendur hátíðarinnar líkt og við aðrar bæjarhátíðir.
8. Ólöf Dómhildur Jóhannsdóttir sækir um styrk fyrir fjölskyldusmiðjunni Skapandi skrúfur. Sótt er um 140 þúsund króna styrk.
Menningar- og ferðamálaráð samþykkir að veita styrk að upphæð 50 þúsund krónur.
9. 10. bekkur Patreks- og Bíldudalsskóla sækir um styrk fyrir útskriftar- og menningarferð til Barcelona í lok maí. Sótt er um 150 þúsund króna styrk.
Menningar- og ferðamálaráð samþykkir að veita styrk að upphæð 90 þúsund krónur, sem nemur 10 þúsundum króna fyrir hvern nemanda.
10. Foreldrafélag Patreksskóla sækir um styrk fyrir fræðslu Siggu Daggar kynfræðings fyrir nemendur mið- og unglingastigs allra skóla á sunnanverðum Vestfjörðum auk foreldra. Sótt er um 150 þúsund króna styrk.
Menningar- og ferðamálaráð telur umsóknina ekki samræmast reglum sjóðsins og hafnar styrkbeiðninni.
11. Sögufélag Barðastrandarsýslu sækir um styrk vegna útgáfu árbókar Barðastrandarsýslu 2023 sem kom út í desember síðastliðnum. Sótt er um 140 þúsund króna styrk.
Menningar- og ferðamálaráð samþykkir styrkbeiðnina.
12. Foreldrafélag Bíldudalsskóla og Tjarnarbrekku sækir um styrk vegna páskabingós félagsins 2024. Sótt er um styrk sem nemur leigu á félagsheimilinu Baldurshaga.
Menningar- og ferðamálaráð samþykkir styrkbeiðnina.
13. Félag um listasafn Samúels sækir um styrk fyrir sjöundu listahátíð Samúels sem haldin verður 19.-21. júlí 2024. Sótt er um 500 þúsund króna styrk.
Menningar- og ferðamálaráð samþykkir að veita styrk að upphæð 150 þúsund krónur í samræmi við reglur sjóðsins.