Bjarg­tangar — Gengið með land­vörðum

Gengið með landvörðum á sunnanverðum Vestfjörðum 

Landvörður í friðlandinu Látrabjargi býður áhugasömum í stutta fræðslugöngu á Bjargtöngum þar sem fjallað verður um fuglana sem hreiðra um sig í bjarginu á sumrin og lifnaðarhætti þeirra. Látrabjarg er gjarnan talið stærsta fuglabjarg í Evrópu.

Gangan hefst við vitann á Bjargtöngum en þaðan verður gengið áleiðs upp eftir brún bjargsins og þátttakendum gefst færi á að hlýða á landvörð og spyrja hann spurninga.

Nausynlegt er að búa sig eftir veðri og vera sæmilega skóaður, ekki er verra að taka með sér kíki og landvörður verður með handbækur í för sem dregnar verða fram ef veður hangir þurrt.

Áætlað er að ganga taki rúma klukkustund og hún er tiltölulega auðveld og flestum fær þó bjargið sé aðeins á fótinn.

Vegalengd: 1 km
Tími: 1 klst
Búnaður: Fatnaður eftir veðri

Nánar um náttúruverndarsvæði á Vestfjörðum:
https://ust.is/…/natturuver…/fridlyst-svaedi/vestfirdir/