65. Fjórðungsþing Vestfirðinga 9. og 10. október
Á laugardaginn lauk 65. Fjórðungsþingi Vestfirðinga – haustþing, sem fór fram með óhefðbundnu sniði, þar sem þingið var haldið í gegnum fjarfund.
Skrifað: 12. október 2020
Þingforseti var Jón Páll Hreinsson, bæjarstjóri Bolungarvík. Hafdís Gunnarsdóttir, formaður stjórnar Fjórðungssambands Vestfirðinga ávarpaði þingið ásamt samgöngu- og sveitarstjórnarráðherra, Sigurði Inga Jóhannssyni og formanni stjórnar Sambands íslenskra sveitarfélaga, Aldísi Hafsteinsdóttur.
Þá var lögð fram skýrsla samgöngu- og fjarskiptanefndar, sem nálgast má hér.
Lagðar voru fyrir þingið nokkrar ályktanir og fóru nefndarstörf fram á laugardag. Voru umræður góðar og markvissar og afgreiðsla mála skilvirk.
Stjórn Fjórðungssambands Vestfirðinga var kosin og hana skipa eftirtaldir fulltrúar:
- Hafdís Gunnarsdóttir, Ísafjarðarbæ
- Þórir Guðmundsson, Ísafjarðarbæ
- Iða Marsibil Jónsdóttir, Vesturbyggð
- Kristján Jón Guðmundsson, Bolungarvík
- Jóhanna Ösp Einarsdóttir, Reykhólahreppi
Formaður stjórnar var kosinn Hafdís Gunnarsdóttir, Ísafjarðarbæ en samkomulag var á þinginu um að Jóhanna Ösp Einarsdóttir, Reykhólapreppi taki við sem formaður stjórnar frá 66. Fjórðungsþingi Vestfirðinga – haustþingi og út kjörtímabilið.
Á þinginu var einnig kosið í Samgöngu- og fjarskiptanefnd Fjórðungssambands Vestfirðinga og hana skipa eftirtaldir fulltrúar:
- Iða Marsibil Jónsdóttir, Vesturbyggð, formaður
- Bjarnveig Guðbrandsdóttir, Tálknafjarðahrepp
- Jón Gísli Jónsson, Strandabyggð
- Steinn Ingi Kjartansson, Súðavíkurhreppur
- Sigurður J. Hreinsson, Ísafjarðarbær
Nánari upplýsingar um 65. Fjórðungsþing Vestfirðinga – haustþing, má nálgast hér á heimasíðu Vestfjarðastofu.
