Aðalskipulag Vesturbyggðar
Forkynningu á skipulagstillögu aðalskipulags Vesturbyggðar til 2030 er nú lokið og bárust fjölmargar gagnlegar ábendingar og athugasemdir við tillöguna. Bæjarstjórn fjallaði um ábendingarnar og skipulagstillöguna á síðasta fundi sínum 9. desember sl.
Skrifað: 15. desember 2020
Bæjarstjórn vill þakka öllum þeim íbúum og hagsmunaaðilum sem skiluðu athugasemdum, kærlega fyrir góðar ábendingar og tillögur. Unnið verður áfram úr ábendingunum og í framhaldinu verður skipulagstillagan auglýst og gefst þá tækifæri á að koma að frekari athugasemdum og ábendingum um tillöguna.
Í upphafi nýs árs munu svo fara fram rafrænir samráðsfundir, þar sem íbúum gefst tækifæri á að ræða aðalskipulagið, koma á framfæri athugasemdum og ábendingum sem og spyrja spurninga. Vegna kórónuveirufaraldursins er gert ráð fyrir að fundirnir verði haldnir með rafrænum hætti og verða þeir hverfaskiptir. Nánari upplýsingar um fundina verða birtar á nýju ári á heimasíðu Vesturbyggðar og á Facebook.