Álagning fasteignagjalda 2021
Álagningu fasteignagjalda fyrir árið 2021 er lokið og eru álagningarseðlar nú aðgengilegir á íbúagátt sem hægt er að finna efst á heimasíðu Vesturbyggðar. Álagningarseðill er einnig aðgengilegur á island.is ásamt öllum breytingarseðlum þar á eftir.
Skrifað: 25. janúar 2021
Gjaldskrá og reglur um niðurfellingu fasteignagjalda fyrir elli- og örorkulífeyrisþega er að finna hér neðst í fréttinni, ásamt reglum um styrkveitingu til félagasamtaka.
Þann 24. September 2019 samþykkti bæjarstjórn Vesturbyggðar að leggja 2% landverð á jarðeigendur í Vesturbyggð, þar með talið eyðijarðir, að frádregnu verði ræktaðs lands og hlunninda miðað við gildandi fasteignamat á hverjum tíma. Þetta gjald er innheimt samhliða fasteignagjöldum.
Nánari upplýsingar má fá með því að senda fyrirspurn á innheimta@vesturbyggd.is eða í síma 450 2300. Meðal annars er hægt að:
- Óska eftir að fá senda greiðsluseðla fyrir fasteignagjöldum þar sem þeir verða ekki sendir út til greiðenda sem fæddir eru eftir árið 1949
- Senda inn erindi vegna fasteignagjalda
- Senda inn kærur vegna fasteignagjalda
- Senda inn umsókn um styrkveitingu til félagasamtaka til greiðslu á fasteignagjöldum
- Senda inn umsókn um lækkun fasteignaskatts fyrir elli- og örorkulífeyrisþega vegna fráfalls maka á árinu 2020
Kæru- og umsóknafrestur er til 15. mars 2021.
Fasteignagjöld sem eru yfir kr. 45.000 greiðast með 9 jöfnum greiðslum á mánaðar fresti, fyrsti gjalddagi er 1. febrúar. Fasteignagjöld kr. 45.000 og lægri eru innheimt með einum gjalddaga 1. febrúar. Fasteignagjöld verða innheimt í netbönkum.