Auglýst er eftir iðjuþjálfa/þroskaþjálfa
Vesturbyggð auglýsir eftir iðjuþjálfa/þroskaþjálfa til starfa í grunn- og leikskólum Vesturbyggðar. Um er að ræða afleysingastarf í eitt ár.
Skrifað: 1. júlí 2021
Vesturbyggð er samsett af tveim byggðarkjörnum, Bíldudal og Patreksfirði og er grunnskóli og leikskóli á hvorum stað. Starfið felur í sér að starfa með börnum í þessum skólum.
Helstu verkefni og ábyrgð
- Vinna með nemendum sem búa við margvísleg fjölþætt vandamál
- Gerð einstaklings- og hópáætlana fyrir nemendur og eftirfylgd með þeim
- Starfar í teymi með foreldum og kennurum
- Skipuleggur starf með nemanda í samráði við umsjónakennara
Menntunar- og hæfniskröfur
- Háskólamenntun á sviði þroskaþjálfunar eða iðjuþjálfunar og starfsleyfi sem slíkur
- Reynsla af starfi með börnum og unglingum með margvíslegan vanda
- Lipurð í samskiptum, jákvæðni og sveigjanleiki í starfi
- Faglegur metnaður
- Frumkvæði og sjálfstæð vinnubrögð
- Áhugi á að starfa í skapandi og metnaðarfullu umhverfi
- Reynsla af teymisvinnu kostur
Umsóknarfrestur er til og með 2. ágúst 2021
Laun eru samkvæmt kjarasamningum Sambands íslenskra sveitarfélaga við viðkomandi stéttarfélags. Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
Frekari upplýsingar gefur Arnheiður Jónsdóttir sviðsstjóri fjölskyldusviðs Vesturbyggðar.
