Bæjarstjórnarfundi frestað
346. fundi bæjarstjórnar Vesturbyggðar sem halda átti í dag, miðvikudaginn 18. mars 2020 hefur verið frestað í samráði við alla bæjarfulltrúa.
Skrifað: 18. mars 2020
Þegar lýst hefur verið yfir neyðarstigi almannavarna skal samkvæmt viðbragðsáætlun Vesturbyggðar lágmarka fundarhöld og leitast við að funda í gegnum fjarfundabúnað. Samkvæmt sveitarstjórnarlögum er eingöngu heimilt að halda fjarfundi ef um er að ræða miklar fjarlægðir eða erfiðar samgöngur.
Breyting á sveitarstjórnarlögum nr. 138/2011, þar sem mælt er fyrir um að samgöngu- og sveitarstjórnarráðherra geti veitt sveitarstjórnum heimild til að víkja frá tilteknum ákvæða sveitarstjórnarlaga til að tryggja að bæjarstjórn sé starfshæf við neyðarástand og til að auðvelda ákvarðanatöku, m.a. með fjarfundum var staðfest af hálfu Alþingis í gær, 17. mars 2020. Beðið er nú ákvörðunar ráðherra svo unnt sé að boða og halda lögmætan bæjarstjórnarfund í gegnum fjarfundabúnað.