Blús milli fjalls og fjöru 2023
Blúshátíðin Blús milli fjalls og fjöru, sem hefur fyrir löngu fest sig í sessi í menningarlífi Vestfjarða, verður haldin í 12. sinn í félagsheimili Patreksfjarðar síðustu helgina í ágúst.
Skrifað: 21. ágúst 2023
Þann 25. ágúst koma fram tvær hljómsveitir, það er annars vegar Keith og strákarnir, sem flytur lög Rolling Stones, og hins vegar Langi Seli og skuggarnir sem þarf vart að kynna fyrir landsmönnum eftir að þeir slógu eftirminnilega í gegn í Söngvakeppninni. Á laugardagskvöldinu, 26. ágúst, treður Krummi Björgvins upp ásamt sínu bandi, og síðast en ekki síst blúshundarnir í Ebenezer.
Miðasala á hátíðina er á Tix og við innganginn. Nánari upplýsingar um hátíðina og dagskrána má finna á Facebooksíðu hennar.