Breytingar á deiliskipulagi – Hafnarsvæði Patreksfirði og snjóflóðavarnir Klif
Skipulagsfulltrúi auglýsir breytingar á deiliskipulagi hafnarsvæðisins á Patreksfirði og snjóflóðagarðs við Klif ofan við Patreksskóla. Athugasemdum og ábendingum skal komið á framfæri í síðasta lagi 5. nóvember.
Skrifað: 8. október 2018
Samkvæmt 2. mgr. 43. gr. skipulagslaga nr. 123/2010 eru hér auglýstar tillögur að breytingum á eftirfarandi deiliskipulagsáætlunum:
Breyting á deiliskipulagi hafnarsvæðisins á Patreksfirði.
Um er að ræða breytingu á skipulagsmörkum meðfram íbúðargötu Mýrar og hafnarsvæði efst í hlíðinni. Heildarsvæði skipulagsins stækkar um 82 m². Lóð, ætluð sem geymslusvæði fyrir kör, næst Mýrum 1 minnkar úr 1958 m² og í 749 m².
Breyting á deiliskipulagi Klif – snjóflóðavarnargarður.
Um er að ræða breytingu á skipulagsmörkum meðfram Patreksskóla og Klif – varnargarði. Heildarsvæði skipulagsins minnkar um 3495 m².
Frestur til að skila athugasemdum og ábendingum er 4 vikur, þ.e. til og með 5. nóvember 2018.
