Eyrasel opið aftur
Eyrasel á Patreksfirði er opið eftir hádegi frá mánudegi til fimmtudags. Starfið er mismunandi eftir dögum og er skipulagt og mótað eftir þörfum þess sem mæta. Á meðan gilda reglur um 1 meters fjarlægð þá telst ekki þörf á að skipta hópnum upp og því geta allir mætt hressir og kátir.
Skrifað: 8. september 2020
Selið (eins og það er kallað í daglegu tali) er opið öllum 18 ára og eldri en starfið er skipulagt eftir vikudögum á eftirfarandi hátt;
Á mánudögum og miðvikudögum er opið fyrir alla, sérstaklega fyrir þá sem eru heima á daginn ekki í vinnu eða skóla hvort sem það er vegna veikinda, endurhæfingar, örorku, atvinnuleysis eða einhvers annars. Þessa daga fer starfið algjörlega eftir þeim sem mæta en venjulega er byrjað á léttri göngu kl. 13:15, og kaffi og spjall á eftir.
Á þriðjudögum frá kl. 13:00 – 16:00 er starfið skipulagt fyrir eldri borgara.
- Byrjað er á stólaleikfimi aðeins til að hita upp fyrir daginn
- Starf í föndurherbergi, létt spjall í stofunni, spilað og kaffi og smá með því kl. 15:00
- Kaffi og meðlæti kr. 300
Á fimmtudögum er opið frá kl. 13:00 – 16:00
- Alda bókasafnsvörður kemur með bækur til útláns
- Rabbi mætir og spilar undir fyrir söng
- Handavinnuherbergið opið, létt spjall í stofunni, spilað ef það næst í spilahóp og unnið að ýmsum öðrum verkefnum
- Kaffi og meðlæti kr. 700
Ásamt þessari föstu dagskrá eru ýmsar uppákomu í Eyraseli s.s. kótelettukvöld, þorrablót o.fl.
