Fjallskilaseðill 2020 – uppfært eintak
Fjallskilanefnd Vesturbyggðar og Tálknafjarðar hefur unnið úr innsendum athugasemdum við fjallaskilaseðil 2020, sem birtur var 2. september 2020. Athugasemdirnar voru teknar fyrir á 24. fundi nefndarinn 17. september sl. og er hér birtur uppfærður fjallskilaseðill 2020.
Skrifað: 21. september 2020
Fjallskil fara fram samkvæmt fjallskilasamþykkt fyrir Barðastrandar- og Ísafjarðarsýslur nr. 716/2012, sem auglýst er í B- deild Stjórnartíðinda. Fjallskilanefnd Vesturbyggðar og Tálknafjarðar áréttar að fara verður eftir þeim leiðbeiningum sem gefnar hafa verið út um göngur og réttir vegna Covid-19 og aðgengilegar eru á heimasíðu sveitarfélaganna og hjá Sambandi íslenskra sveitarfélaga.
Fjallskilanefnd skorar á alla land- og fjáreigendur að láta sinn hlut ekki eftir liggja og leggja fram menn í leitir skv.beiðni leitarstjóra. Vanræksla eins bitnar á öðrum og gerir allt skipulag erfitt í framkvæmd. Tilgangurinn er að reyna að létta okkur smölunina með því að sem flestir geti unnið saman og sem skemmstur tími líði milli smölunar á samliggjandi svæðum. Árangurinn ætti að verða betri heimtur.