Formlegar sameiningaviðræður
Sveitarstjórn Tálknafjarðarhrepps og bæjarstjórn Vesturbyggðar samþykktu bæði á fundum sínum í vikunni tillögu um að hefja formlegar sameiningaviðræður sveitarfélaganna.
Skrifað: 17. febrúar 2023
Formlegar sameiningaviðræður enda á íbúakosningum um sameininguna sem stefnt er að fari fram fyrir lok ársins 2023. Nú hefur verið skipuð sex manna samstarfsnefnd sem, ásamt bæjarstjóra Vesturbyggðar og sveitarstjóra Tálknafjarðarhrepps, vinna að undirbúningi fyrir íbúafundi, þar sem kynnt verður hvaða áhrif sameiningin myndi hafa á sveitarfélögin og framtíðarsýn hins sameinaða sveitarfélags. Haldnir verða fundir og haft verður samráð við íbúa og starfsfólk.
Þegar er mikið og gott samstarf milli sveitarfélaganna. Könnun á hagkvæmni sameiningarinnar var framkvæmd í báðum sveitarfélögunum árið 2021 sem varpaði ljósi á að helstu áhersluatriði í sameiningaviðræðum eru þær sömu. Þar er efst á lista bættar samgöngur milli þéttbýliskjarna sveitarfélagana með göngum undir Mikladal og Hálfdán.
