Fulltrúar Vesturbyggðar funda með ráðherra
Fulltrúar Vesturbyggðar áttu fund með samgöngu– og sveitarstjórnarráðherra, Sigurði Inga Jóhannssyni, um Vestfjarðaveg nr. 60 í dag, 21. janúar.
Skrifað: 21. janúar 2019
Á fundinum fóru Iða Marsibil Jónsdóttir, forseti bæjarstjórnar og Rebekka Hilmarsdóttir, bæjarstjóri yfir áherslur sveitarfélagsins í málinu og mikilvægi þess að samgöngubótum á Vestfjarðavegi verði lokið hið fyrsta. Ráðherra var afhent minnisblað þar sem raktar eru helstu áherslur Vesturbyggðar vegna málsins og minnt á mikilvægi þess fyrir hagsmuni sunnanverðra Vestfjarða sem og Vestfjarða í heild sinni að þetta mál verði í eitt skipti fyrir öll til lykta leitt. Engin niðurstaða lá fyrir eftir fundinn og munu fulltrúar Vesturbyggðar halda áfram að vinna að þessu máli af fullum þunga.
Minnisblaðið má nálgast hér að neðan.
